المساعد الشخصي الرقمي

مشاهدة النسخة كاملة : أستئصال الغده الدرقيه ؟


شيخـة آلبنـآت
06-09-11, 12:49 AM
السلام عليكم ورحمة الله وبركاته

بنات كل وحده استئصلت الغده الدرقيه او تعرف حد استئصلها تكتب لنا التجربه هني سواء كان استئصال كلي او استئصال كتله (الفص اليمين او الفص اليسار )..
شنو الاثار الجانبيه اللي صارت بعد العمليه .. وهل استمرت ع الحبوب بعد العمليه لمدى الحياه او فترة سنه وخلاص تتركهم .. وفي وين سوت العمليه وعند اي دكتور ..
كل وحده تكتب لنا تجربتها او تجربة حد تعرفه بليييز بنات ابي تفاعل ..

Black berry1
06-09-11, 03:49 AM
وعليكم السلام والرحمه

ثنتين من هلي سوو استئصال في مستشفى حمد ،ولازم عقب العمليه الوحده ما تصرخ ولا ادنع عشان الخياطة وحتى الشيله ما تلفهاا. ترخيها مكان العمليه والعطور والبخور تحاسب انه ما يصيد الجرح هاي اللي اتذكره

امل رغم الالم
06-09-11, 05:43 AM
انا سويتها في مستشفى حمد عند دكتور فلسطيني نسيت اسمه بس اذكر ان من عيله

ابو الندا والكل رشحه لي حتى في دكتور مصري قالي ان ابو الندا استاذه وهو

اللي كان يدربه سواها وكانت ناجحه بفضل الله حتى الجرح كان نظيف وما التهب

كان عندي ورم في الفص الايسر واستئصلت نصفه وعطاني حبوب

المفروض اخذها يوميا ولمده سنه بس الصراحه الفتره الاخيره صرت اكسل اخذها

والمفروض اسوي تحاليل اشوف احتاج الحبوب ولا لا

طبعا تحسين بالم وكل ما بدا الجرح يلتئم تحسين ان الالم زاد

لان الجرح يبدا يشد

لكن مع المسكنات الوجع يخف باذن الله

وانا سمعت ان يمكن استئصال الغده بالليزر ما ادري اذا صحيح ام لا

الف سلامه عليكي وما تشوفي شر

شيخـة آلبنـآت
07-09-11, 11:23 AM
أمل رغم الالم :
الحمدالله على سلامتج اختتي .. بس حبيت استفسر عن شي
أنتي كان عندج خمول ولا نشاط في الغده ولا بس ورم ولما سويتي العمليه كان بامر من الدكتور ولا انتي طلبتي تسوينها ؟
وتسلمين ع المشاركه انتي وبلاك بيري1

r0o0o07
07-09-11, 12:49 PM
شيخة البنات انتي شنو عندج فالغده لانو انا اختي عندها خمول فالغده وهي حامل

فورمي
08-09-11, 12:17 AM
هلا حبيبتي
انا استئصلتها كامل لانها كانت نشطه حيل وتعبت منها كثير
والي سواها لي دكتور جراح اورام في مصر وتميت في المستشفى 4 ايام وسواها لي تجميليه يعني العمليه ماتبين ..
وعن الادويه اي على طول اخذها وكل 6 شهور اسوي فحص علشان اتاكد هل ازيد جرعه الحبه او اقللها... بس المشكله الوحيده اهي ان وزني زاد
تحياتي

شيخـة آلبنـآت
08-09-11, 01:03 AM
رووح :
انا عندي خموول

فورمي :
الحمدالله ع سلامتج / وحاولي تستمرين ع التمارين الرياضيه عشان حتى لو متنتي يكون جسمج مرتب وع فكرا اتوقع الحبوب اللي تستخدمينها هي اللي مسببه لج المتن

حلم العمر
08-09-11, 01:58 AM
هلا حبيبتي انا كان عندي ورم في الفص الايسر وطبعا كان نصه مو كله

يعني لا زياده ولا خمول , وكنت لما التفت جهه اليمين يبرز الورم

بشكل واضح رحت للمركز اول مره قالو مافي شي لكن قلبي ما كان مطمني

بعد فتره رحت للمركز وطلبت تحليل مره ثانيه وطلع عندي ورم بالرقبه وحولوني


حمد عند ابو الندا ودخلت عليه وانا لا اخفي على الجميع الخوف كان مسيطر علي

لكن اول شي قالي الدكتور الله يجزاه الخير لا تخافين 90 في الميه ورم حميد


وبعدين حولني وخذو لي عينه من الرقبه والنتيجه بعد اسبوع واكثر

وطبعا ولله الحمد كنت مطمئنه ان كلام الدكتور بيكون صحيح

طلعت النتيجه وقالي اجيب لك من الاخر العمليه لازم تسوينها

بعد يوم بعد شهر بعد سنين لازم تسويها لانها بتكبر مع الوقت

رحت للدكتور المصري كانه اسمه الغندور مو متذكره هو معروف في حمد دوبي

اقوله مشكلتي والدكتور ابو الندا

قالي ما خلاني اكمل قالي ابو الندا استاذنا كلنا توكلي على الله

قلت لو رحت الاستشاريين مالت العصر , قالي لا تعبين روحك وخليكي على ابو الندا

وسويتها عنده ولله الحمد في شهر واحد الجاي بيصير لي سنتين والمفروض اروح اسوي

تحاليل علشان اشوف احتاج اخذ الدوا ولا بس سنه بعد العمليه, بس الكسل وين يروح

وبالنسبه للخمول اللي عندك جربي سوي حجامه اذا لا سمح الله ما كان عندك ورم

لاني كنت بسويها بس قالولي دامه ورم لازم استئصال وما تشوفين شر يا الغاليه

شيخـة آلبنـآت
08-09-11, 03:54 AM
انا شاكين انه فيني ورم وفيني التهاب لكن اللي ابي اعرفه اذا سويت العمليه بتصير الغده اوكي عندي ومايحتاج اخذ حبوب للخمول ولا لا ..
والحجامه في حد جربها او حد قالج عنها .. واذا سويت الحجامه وانا مافيني ورم بتتعدل الغده .؟

شيخـة آلبنـآت
08-09-11, 03:55 AM
ومشكوره ع مرورج يالغاليه ماقصرتوو

حلم العمر
08-09-11, 06:25 AM
حبيبتي اذا شاكين فيكي ورم خلهم يحولوكي على حمد

وان شاء الله اذا سويتي العمليه بتكونين بخير وانا قرات عن التهاب الغده

عن طريق قوقل بس ما اعرف اذا كان الورم هو نفسه الالتهاب ام لا

وعلى العموم اذا كان الورم جزئي يعني مو كل الفص ممكن تستغنين عن الدواء

بعد ان تاخذيه لمده سنه او سنتين

وبعدها توقفين الحبوب لمده ويردون يسوون تحاليل مره ثانيه , وانا لي الحين

ما رحت ولي اكثر من شهر ما خذت الحبوب ولازم اروح اسوي تحاليل مره ثانيه

علشان يشوفون اذا الجسم يقدر يستغنى عن الحبوب ام لا

امي الله يحفظها سوتها تقريبا من 8 سنوات وكان عندها ورم في كل الغده وتم

استئصالها بالكامل ومن يومها وهي تاخذ الدوا يوميا لان عمل الغده متوقف واذا

ما خذت الحبوب تزيد لها كم كيلو خلال ايام بسيطه

صديقتي شفتها في العيد عندها ورم مثلي وخايفه تروح الدكتور

قلتلها روحي لانها شوي شوي تكبر وبتاثر على التنفس

قريبه زوجي سوتها من 4 سنوات وكانت نفسيتها في الحضيض لانها كانت تشك انه ورم

خبيث مع انه الدكتور طمنها بس ما ارتاحت الا لما سوت العمليه وشافو بعينيهم

انه حميد.

اسفه طولت عليج بس حابه اريح بالك لاني حاسه فيكي وفي القلق اللي تحسين فيه

لكن اقولك توكلي على الله فمنه الداء ومنه الدواء

ولا تنسين عزيزتي الصدقه بنيه الشفاء من هذا المرض بالذات

و لا تفهمين غلط ادري ان الكل يطلع صدقات بس لازم النيه للشي نفسه

يعني يقول الشيخ لازم اخراج الصدقه للعضو ذاته يعني خلنا ناخذ ابسط شي وهو

تساقط الشعر لازم اطلع الصدقه بنيه الشفاء من تساقط الشعر

وبالنسبه للحجامه لما زوجي سال الحجام قاله عادي بس الناس خوفوني

وقالو سوي العمليه وفكي عمرج .

وان شاء الله تطمنينا عليكي باسرع وقت وهاااه لا تطنشين

في حفظ الرحمن .

شيخـة آلبنـآت
08-09-11, 01:02 PM
مشكوره ي قلبي ع متابعتج لموضوعي .. وانشاء الله انا عندي موعد ف نهاية 10 ف
مستشفى حمد عند دكتور ايمن او امين وبستفسر عن الغده اكثر لاني تعبت من الحبوب ماابي استخدمها فيمكن تكون العمليه اريح لي ..

ريما حمد
10-09-11, 01:07 PM
حبيبتي اقري على نفسج يوميا
ولو تآخذين علاج مافي مشاكل وبعد اخذي عسل طبيعي مع حبة البركه اخلطيهم مع بعض وكل يوم اكلي ملعقتين لمدة شهرين او ثلاث شهور وشوفي شلون الامور ترجع طبيعيه سبحاان الله انا كانت عندي مشاكل ف الغده و الحين الامور سليمه الحمدلله


جربي وشوفي ابي دعوواتج اختي وربي يشااافيج عاجلا غير آجلا

شيخـة آلبنـآت
10-09-11, 10:25 PM
اختتي العسل الطبيعي وحبة البركه شلون اسويها ووين احصلهم ..؟
وانتي شنو كان عندج خمول ولا نشاط .. وقبل كنتي تاخذين حبوب وبعد العسل وحبة البركه ماصرتي تاخذين ..؟

ومشكووره حبيبتي ويعطيج العافيه , والله يرزقج اللي تتمنينه يارب ..

ريما حمد
11-09-11, 06:15 PM
كان عندي خمول وماخذت علاجي بس استمريت على هالخلطه والحمدلله صارت الغده معتدله عندي


حبيبتي تخلطين كيلو عسل ولازم يكون عسل أصلي مع ثلاث ملاعق كبيرة حبة البركة وتكون مطحونه وكل يوم تاخذين ملعقة او ملعقتين جربيها لمدة شهر او ثلاثة شهور وبعدين روحي فحصي مره ثانيه وماراح تندمين بس ابي دعواتج

حبة البركه والعسل من سوق واقف

شيخـة آلبنـآت
12-09-11, 05:23 AM
مشكووره اختي ويعطيج العافيه .. وعادي لو زدت عليها قطرات من غذاء ملكات النحل ؟

ريما حمد
12-09-11, 09:53 AM
العفوو حبيبتي
اي اذا شي طبيعي مايضر


وبعد انصحج من الاكثار من اكل السمك (كل انواع السمك) ع الاقل ثلاث مرات ف الاسبوع سبحان الله يفيد الغده ويساعد عل العلاج وووو اهم شي ابتعدي عن القلق والعصبيه والتوتر لان يزيد من تلخبط الغده حاولي قد ماتقدرين تكيفين نفسج..:17:: ووبس

تقبلي مرووري

شيخـة آلبنـآت
13-09-11, 12:42 AM
تسلمين فدييتج ماقصرتتي والله ..
والله يفرج همج يارب ويسعدج وين ماكنتي ..

ريما حمد
24-09-11, 11:00 PM
الله يسلمج حبيبتي
امين يارب