المساعد الشخصي الرقمي

مشاهدة النسخة كاملة : :: كلنا عندنا المقدرة أن نوصل لهدفنا - قصتي مع خساة الوزن ::


Dana55
31-07-10, 12:31 AM
السلام عليكم ورحمه الله وبركاته

مرحبا بكل البطات ^ـ^

من فتره كان ودي اشارككم بتجربتي ..بس قلت اول شي اجرب واشوف بستفيد والا لا، لدرجة اني ألفت كتاب لنفسي عشان اقراه واذكر نفسي ان وين كنت والحين وين صرت.

بصراحه المنتدى مو مقصر بالمواضيع والخوات جزاهم الله خير ما قصروا من ناحيه تجاربهم او النصايح

وقبل لا ابدأ ودي اقول…. بقطر للأسف السمنه صارت منتشره بشكل ملحوظ لدرجه ان صرنا نشوف الموضوع طبيعي مع ان العكس صحيح… هاذي دعوه مني ان احنا ننشر الوعي لأهلنا والناس اللي حولنا… الكل محتاج توعية…وعشان ننشر هالوعي لازم نبدأ بأنفسنا…

خلوني اقولكم سالفتي بإختصار…
طبعا هالوزن مشاكله المشاكل بالنسبه للبنات اللي يلاقون صعوبه بخساره الوزن (مثلي)
وفي أيام كانت تمر علي اتشجع بالريجيم اللي اسويه على كيفي وبعد اسبوع او اسبوعين لو طولت ارجع انسى الموضوع كله

ماعندي سمنه مفرطه الحمدلله…لكن بعد وزني على طولي يعتبر زياده وزن بشكل ملحوظ
ومن كثر ماشفت برامج تتكلم عن الريجيم والرياضه وناس غيروا نمط حياتهم واكلهم واثر على وزنهم بشكل ايجابي…صرت اشوف انه امر مستحيل اني اوصل له…

عموما…بعد ما طفح الكيل وجربت كل شي من رياضه وريجيم قاسي وغير قاسي ( ملاحظه مهمه: بدون تجربه اي ادويه او حبوب تخسيس)
قررت بعدها احاول اخر محاوله عل وعسى يتغير الوضع …وهي اني اجرب اخصائية تغذية…
لمن رحت للاخصائيه كان عندي معلومات كثيره لكني ماكنت اعرف اطبقها بشكل صحيح.
الاخصائية عطتني ورقه تحاليل + وسوت لي فحص لكميه حرق الدهون وكميتها بجسمي وخذت وزني وطولي طبعا.
ما كانت صدمه لمن قالت لي الاخصائية ان كميه الدهون اكثر من المعدل الطبيعي والا كان من البدايه مابحتاج اروح لها.
احتجت اعرف شنو الخطوة الجايه، طبعا عطتني جدول غذائي امشي عليه لمده اسبوعين، واقترحت علي ادويه تساعد على حرق الدهون لو كنت حابه او استمر بدونها، والاكيد اني اخترت استمر بدونها لاني ماحب اعتمد على الادويه والحبوب (اخاف).
يكفي ان الاخصائيه كانت تشجعني من ناحيه قدرتي على الاستمرار وذكرت لي تجارب بنات قبلي وأوزان اكثر مني وقدروا يتخلصون منها ويعيشون حياتهم بصحه وجسم سليم.

خلوني اقولكم اشصار بعد ما مشيت عالجدول الغذائي:
اول مره احس اني اسوي ريجيم !!!!
مع اني جربت ريجيمات كثيره الا اني لأول مره احس بتأثير الريجيم على جسمي. اعتقد اخيرا فهمت ان الريجيم مو تقليل بالاكل وبس وانما نوعيه الاكل اللي ناكله والسعرات الحراريه بكل وجبه واشلون ممكن نرتبها بجدولنا اليومي.
مع هالريجيم لازم لازم لازم رياضه…مشي يومي يبدأ اول يوم ب 30 دقيقه وبعدها تزيدين 10 دقايق لحد ماتوصلين الساعه. ومع الوقت صرت اتمرن ايروبك…

ابي انبهكم لشي مهم، كل وحده يختلف جسمها عن الثانيه، وحرق الدهون بالجسم يختلف في كل وحده. اهم شي الاستمراريه وعدم اليأس.

بالامس قرأت مشاركه في موقع اجنبي يتكلم عن الادوات اللي ممكن نستخدمها اثناء الرياضه…انا استأت من هالمشاركه يعني بدل ما يشجعون الناس ان يمارسون الرياضه بمجهودهم يقومون يستخدمون ادوات يمكن ماتأدي الغرض المفروض منها أو يعتمدون عليها اعتماد تام. وانا اعرف الاجانب يحبون يمارسون الرياضه بشكل رهيب.. لكن الامريكان عندهم كسل غير طبيعي. ردي عالموضوع آثار فضولهم وقالوا شنسوي يعني شنو التمارين اللي المفروض نسويها عشان نتخلص من الكرش او الزوائد بدون هالادوات. مع ان كل شي متوفر عندهم الا انهم مازالوا يعانون….بصراحه الناس تفتقر للوعي والتشجيع الذاتي…

تخيلوا السمنه مشكله عالميه ومو بس بقطر..ماكو شي جديد بالكلام اللي اقوله…
الجديد هو الخبر التالي: مو مهم الرشاقه..المهم اللياقة..واذا الوحده وصلت للياقه بتكون وحده عارفه اشلون تحافظ على توازن جسمها.

اللي تعرف تبحث بالانترنت بتلقى مواضيع كثيره تخلي الوحده تعرف اكثر عن جسمها وشنو المفيد واشلون ممكن تشجع نفسها

محد يقدر يشجعج اذا انتي ما شجعتي نفسج وبنيتي هالشي بداخلج….سهل ان نهدم بنايه لكن صعب ان نرجع ونبنيها مره ثانيه بتحتاج وقت، احنا نفس الشي نحتاج نبني جسمنا بالطريقه الصحيحه اللي يحتاج وقت وايد..والهدم بيومين كفيل يخرب تعب شهر من رياضه وتقليل اكل.

هالموضوع للجميع وان شاء يكون فيه افاده ولو صغيره…هالموضوع موجه لي لأني مستمره الحمدلله صار لي شهرين…وخلال هالفتره تغيرت امور وايد بحياتي وحصلت شغلات تساعدني بالاستمراريه ومازلت احتاج اشجع نفسي...

باجر ان شاء الله برفع لكم كم جدول للاشياء اللي لازم تسونها يومياً.

اللي حابه تسأل عن اي شي ان شاء الله بحاول اجاوبها إن شاء الله على قد معرفتي.

وياريت كلنا نتشارك….نبي نساعد بعض على خسارة الوزن بطريقه صحيه وبمجهودنا. والله يقدرنا ان شاء الله ونوصل لهدفنا.

مازال للموضوع تتمه غدا…..

اجنحه متكسره
31-07-10, 03:23 AM
ياااااااريت بالبداية يسلموووووووووو والسمنة والمتن الكل يستكي منة حتى الاطفال صارت مشكلة العصر (عالمية )وكيف ضعفتي اصلا لان من السهل الواحد يمتن ومن الصعب يضعف ومشكلتي مع الضعف ماضعفت الى الحين ابي حل اصلا

..دندونه..
31-07-10, 10:21 AM
ذكرتيني فيني ههههههههه >>حلوه الجمله هع
انا نفس االشي
بس ابي اسئلج كم من سؤال
غير التغيرات اللي اتصير بالجسم
انا حسيت اني صرت واثثثثثثقه من نفسي وااااااااااااااااااايد
صرت مرتاحه نفسيا اكثر من قبل
مزاجي صاير وايد اوكي
لين اروح اسوي رياضه انسى كل شي ..احس براححححه
هاي غير لين جسمي صار اوكي
حسيت اني احب اعتني بشعري وببشرتي ..لانه كله يتبع بعض


ووووبس ^.^
واستمري وللامام دائما..

Dana55
31-07-10, 02:54 PM
ياااااااريت بالبداية يسلموووووووووو والسمنة والمتن الكل يستكي منة حتى الاطفال صارت مشكلة العصر (عالمية )وكيف ضعفتي اصلا لان من السهل الواحد يمتن ومن الصعب يضعف ومشكلتي مع الضعف ماضعفت الى الحين ابي حل اصلا

عزيزتي اجنحه متكسره،
حاسه بكل كلمه قلتيها لأني كنت من البنات اللي ندور الحل والحل جدامنا بس يبيله خطوه للأمام…
لو تدرين اشكثر في حلول معروضه بالمنتديات والله بتتعجبين…ما اقصد الاساءه لحد..لكن كريمات الضعف اللي توضع عالجسم وسكر الرشاقه اللي حبه وحده منه تخلي كل شي حلو !!! ومن فتره قريت ان اكثر كميه سكر بسكر الرشاقه اللي قاصين فيه عالعالم..يمكن في منتجات معينه مو الكل الله اعلم. وتخبرون من فتره طويله كان في مخبز يسوي خبز على اعشاب وقالوا حق اللي تبي تسوي ريجيم ويضعف والخ <<تدرون اني كنت اسميه الخبز القاتل !!! لان اللي تاكله الله يعزكم تقضي يومها ببيت الراحه والا ينغمي عليهاا ويصير عندها هبوط.
ووايد اشياء سمعنا فيها ونعرفها بس مازلنا نصدق بفعاليتها.

الحمدلله رب العالمين تجلت قدرة الله في خلقه للانسان…
عزيزتي جسمنا مخزن للدهن المفيد اللي يساعد جسمنا على اداء وظائفه الحيويه… ولأن بجسمنا في مخازن لتجمع الدهون صار اي زياده بالاكل تدخل للجسم والجسم مايحتاج لها يحولها الى دهون والدهون تروح وتتخزن بالمخازن بكل جسمنا. ومؤخرا اكتشفت شنو الفرق بين جسم فلانه او الفلانه الثانيه من ناحية التشكيله…يعني من الشكل بتعرفين شنو هي المناطق اللي تتركز فيها الدهون عندج على حسب تشكيله جسمج. ( ان شاء الله راح اوضحها لكم لاحقا)

الحل اللي عندي فيه تعب فيه جهد فيه ضغوظات انتي لازم تبذلينها على نفسج عشان توصلين للنتيجه المطلوبه…. ماراح اجذب عليج واقولج انه سهل لأن بتحتاجين اي كلام ايجابي وايد ومحفزات كبيره عشان تقنعين نفسج فيه….
الخلاصه: عشان توصلين لهدف معين لازن تكونين مقتنعه بداخلج انج بتوصلين له وقاعده تحققين هالشي…لانج بتسوين هذا كله بدون مراقبه من احد..يعني بس انتي بالاخير بتشوفين وزنج بالميزان . والنتيجه النهائيه الناس بتشوفها عقب…

الحل :
أكل متوازن ( يتضمن وجبه الافطار اللي ضروري ضروري تتناولينها + وجبه الغداء اللي شي طبيعي بتركضين وقت الغدا وتاكلينها + وجبه العشاء) والمـــــــــــــاء قبل كل وجبه وليس بعدهاااااااااااا حطي مليون خط على ليس بعدهااااااا لأن الماي بعد الاكل يملأ المعده ويخليها تتوسع وعقبها نكرش ^ـ^ وهاي الشي اللي مانبيه وطبعا هالكلام يشمل جميع السوائل سواء ماء او عصير الخ.

اعتقد هالشكل غطيت جم موضوع بشكل عام…ونحتاج نفصل اكثر…

خواتي اي استفسار بتذكرونه راح يساعدنا كلنا ان نتكلم فيه ونفهم عنه اكثر…مهما كان الاستفسار بسيط ممكن يكون أثره كبير.

لي رجعه مع مجموعه ملفات..

وهـــــــــم
31-07-10, 03:15 PM
فعلا" السمنه صارت مرض منتشر بشكل رهيب ومو بس عندنا ولا في الخليج بالعكس في العالم كله
ولو نشوف امريكا مثلا" هناك الناس عندهم طرق وايد للتخسيس يعني ممكن الوحده تلبس شورت وتطلع تركض كل يوم
لكن مانشوفهم يسون هالشي مجابلين التي في والاب توب !!
عندهم جيم واماكن رياضيه اضعاف اللي عندنا لكن كسولين مايروحون
الحريم هناك يقدرون يطلعون باي وقت يبونه يروحون يركضون عكسنا مجبورين نروح جيم خاص للحريم
او وحده ماعندها سياره ودريول ولا حد يوديها
ومطاعمهم مافي شي سمول عندهم @@
كله بق سايز واذا تطلبين كولا سمول يطالعونج بنظره غريبه !!
وعندنا زادت هالمشكله بنات صغار توهم ماتعدو العشرين من كثر ماهم متان
تحسبينها مره ام عيال ><"
وكلامج صح الاساس النفس والاراده اذا قررتي تضعفين محد بيقدر يوقفج
والوقت يركض يعني خلال سنه ممكن يتغير سايزج بشكل كبيير
اهم شي الاراده القووويه ... موووقه حبوبه والله يعطيج العافيه

Dana55
31-07-10, 03:23 PM
ذكرتيني فيني ههههههههه >>حلوه الجمله هع
انا نفس االشي
بس ابي اسئلج كم من سؤال
غير التغيرات اللي اتصير بالجسم
انا حسيت اني صرت واثثثثثثقه من نفسي وااااااااااااااااااايد
صرت مرتاحه نفسيا اكثر من قبل
مزاجي صاير وايد اوكي
لين اروح اسوي رياضه انسى كل شي ..احس براححححه
هاي غير لين جسمي صار اوكي
حسيت اني احب اعتني بشعري وببشرتي ..لانه كله يتبع بعض


ووووبس ^.^
واستمري وللامام دائما..

عزيزتي دندونه ^ـ^
اشكرج على تواجدج لأن هذا هو بالضبط اللي نحتاجه..ناس مجربين ويعرفون الاحساس اللي يجي بعد مايحققون اللي يبونه…
قرأت الموضوع اللي فتحتيه وبصراحه وايد رووعه..جزاج الله خير وبميزان حسناتج ان شاء الله كل موضوع مفيد ممكن يعيد الامل بالحياه لأشخاص ضنوا انهم فقدوها مالها امل تتحقق وخصوصا ان احنا محتاجين نثقف نفسنا ونزرع هالوعي فينا وفي غيرنا.

بالنسبه لسؤالج…
تدرين شنو اسباب الراحه ؟
اول شي لانج استغليتي وقتج بهاليوم وسويتي شي يفيدج…وهالفايده راح يرجع أثرها بشكل ايجابي عليج من ناحيه لياقه بدنيه او نقصان بالوزن وهذا هو المهم.
تقولين صرتي مرتاحه نفسيا (الحمدلله رب العالمين) لان اكيد هالموضوع كان شاغل بالج وايد ومأثر على امور كثيره..هذا غير ان الواحد يسوس وايد بسبب الوزن الزايد…

ومن ناحيه علميه قالوا ان التمارين الرياضيه ممتازه عشان المخ وتساعد نشاط المخ والذاكره، وقالوا الباحثين ان الرياضه تحافظ على خلايا المخ بطريقه ما حتى ان الاشخاص اللي يلعبون شطرنج نشاط مخهم يعتبر اقل(مع انها وسيله لتحفيز خلايا المخ وتقوم على تنشيطها) لكن بعد سبحان الله هناك سر بين المخ وباقي الجسم…وفي دراسه طويله عريضه تتكلم عن هالشي

وعموما في دراسه قرأت عنها ان الناس اللي يغيرون نمط حياتهم تتولد عندهم افكار ايجابيه وينجحون بأي أعمال مستقبليه لان صار فكرهم خالي من السلبيات وعلى قولتي (بيشوفون الدنيا ورديه ههههههه)

الله يحفظج ان شاء الله ويديم عليج نعمه الراحه والاستمراريه والصحه وعلم ينفع وتنتفعين به.

انا مو خبيره لكني احب اقرأ وهالشي يساعدني اني افهم نفسي أكثر..

احنا بحاجه افكار بعض…وتساؤلاتنا مجرد باب ينفتح على معرفه جديده

Dana55
31-07-10, 03:37 PM
فعلا" السمنه صارت مرض منتشر بشكل رهيب ومو بس عندنا ولا في الخليج بالعكس في العالم كله
ولو نشوف امريكا مثلا" هناك الناس عندهم طرق وايد للتخسيس يعني ممكن الوحده تلبس شورت وتطلع تركض كل يوم
لكن مانشوفهم يسون هالشي مجابلين التي في والاب توب !!
عندهم جيم واماكن رياضيه اضعاف اللي عندنا لكن كسولين مايروحون
الحريم هناك يقدرون يطلعون باي وقت يبونه يروحون يركضون عكسنا مجبورين نروح جيم خاص للحريم
او وحده ماعندها سياره ودريول ولا حد يوديها
ومطاعمهم مافي شي سمول عندهم @@
كله بق سايز واذا تطلبين كولا سمول يطالعونج بنظره غريبه !!
وعندنا زادت هالمشكله بنات صغار توهم ماتعدو العشرين من كثر ماهم متان
تحسبينها مره ام عيال ><"
وكلامج صح الاساس النفس والاراده اذا قررتي تضعفين محد بيقدر يوقفج
والوقت يركض يعني خلال سنه ممكن يتغير سايزج بشكل كبيير
اهم شي الاراده القووويه ... موووقه حبوبه والله يعطيج العافيه


عزيزتي وهــــم … انتي مو وهم انتي حقيقه لأنج قلتي كلام واقعي

وتسلمين لي على كلامج الايجابي …
وانتي 100٪ صح بكلامج…

والحين صار وقتنا ننشر الوعي ونصير احنا مثال لغيرنا…
للأسف في أطفال الله يحفظهم من اوزانهم تقولين على وشك الانفجار هذولي مسؤوليه الاهل اول من لهم يد بهاذي المشكله…
بنات في عمر الزهور ومثل ماقلتي اللي يشوفها يقول أم عيال…يعني حرام حتى فرص الزواج تفوتها بسبب هالمشكله… والوزن الزايد يهدد بعض المتزوجات في الحمل والولاده واشياء ثانيه…

ماعندي اي زياده على كلامج والله يحفظج لأهلج..

ان شاء الله تعم الفايده عالجميع…

ولي عوده ان شاء الله

هوا قطر
31-07-10, 07:45 PM
غاليتي شكرا على هالموضوع الحلو
بتكلم عن نفسي انا ام عيال واموووووووووووت عالرياضه وما احب الاكلات الدسمه والسكريات واحافظ على نفسي واهتم ببشرتي

امارس الرياضه باستمرار ووزني معقول بس ابغي اخسر 10 كيلو عالاقل ولازال الجهد مستمر
وتقريبا اعرف كل شي يناسبني
بس اللي ذابحني موووت المشروبات الساخنه مثل المريميه +الشاي الاخضر والاحمر +القهوه بكل انواعها
وبعضهم احط سكر وبعضهم لا

فابغي اعرف اللي سمعته انه سكر الريجيم مثل كاندريل وسبيلندا وووووو
كلهم تضر الجسم والمخ:cc6:
ولكن شنو البديل عشان المشروبات وبنفس الوقت مايسمنا
اذا تعرفين شي ياليت تفيدينا

وياااااااااااااارب تصير كل وحده مسلمه رشيييييقه :8884:

لمسات نيره
31-07-10, 08:02 PM
موضوع رائع ، و مفيد جدأ، تسلمين

Dana55
31-07-10, 11:15 PM
غاليتي شكرا على هالموضوع الحلو
بتكلم عن نفسي انا ام عيال واموووووووووووت عالرياضه وما احب الاكلات الدسمه والسكريات واحافظ على نفسي واهتم ببشرتي

امارس الرياضه باستمرار ووزني معقول بس ابغي اخسر 10 كيلو عالاقل ولازال الجهد مستمر
وتقريبا اعرف كل شي يناسبني
بس اللي ذابحني موووت المشروبات الساخنه مثل المريميه +الشاي الاخضر والاحمر +القهوه بكل انواعها
وبعضهم احط سكر وبعضهم لا

فابغي اعرف اللي سمعته انه سكر الريجيم مثل كاندريل وسبيلندا وووووو
كلهم تضر الجسم والمخ:cc6:
ولكن شنو البديل عشان المشروبات وبنفس الوقت مايسمنا
اذا تعرفين شي ياليت تفيدينا

وياااااااااااااارب تصير كل وحده مسلمه رشيييييقه :8884:


عزيزتي هوا قطر…

ودي افيدج بهالموضوع بس انا ما أميل للأشياء هاذي يعني سكر الرشاقه او شبيهاتها…

عموما تخبرين من قبل كم سنه لمن طلعت مريم نور ؟؟ قالت ارجعوا للطبيعــة..يعني اصل المواد الغذائيه..مثلا القمح الاسمر وليس الابيض..السكر الاسمر وليس الابيض…حتى الاكل من خضروات وفواكه يكون العضوي مو اللي معالج والخ… والناس اشتطوا وخافوا من كل شي وقاموا يدورون الطبيعي…وعقبها بفتره تناسوووا وقالوا عن المره مينونــــه… =)

وعن تجربه مع سكر الرشاقه انا جربته مره وبصراحه كيس واحد او الحبه الوحده تعطي طعم حلو بزياده ؟؟ يعني مكعبات السكر العادي ماتسوي جذي !! وعلى الكلام اللي قريته الحين وانا ابحث عنه المنتج وما يماثله..مكتوب على اساس انه اقل سعرات حراريه من العادي لكن طعمه أحلى من السكر العادي !!!!

الحين انتبهي عالكلام الجاي وهذا من خلال بحثي الحيــــن:

منتجات سكر الرشاقه تحتوي على هالمكون (الأسبارتام ـ aspartame) شوفيه بالمكونات عالعلبه لو كانت مذكوره عندج وهالماده ماتزال اخطر ماده مازالت تضاف بالاكل اللي يوصلنا. ومن خلال التقارير الطبيه اللي رصدوها شافوا ان الاعراض هي : مشاكل بالنظر..اكتئاب..صداع..مشاكل بالنوم…آلام بالمعده..والخ الخ الخ

هذا مكون واحد اكتشفته الحين ياترى لو ندور اكثر شنو بنكتشف بعد؟؟؟

تأكدوا أن أغلب هالمنتجات غرضها تجاري بحت يعني ربح فلوس وخساره نفوس….والعداد شغال ومن اللي تروح عليه غيرنا !!!!

البديل هو السكر البنـــــي ومتوفر بالجمعيات وكل مكان…والسعرات الحراريه فيه قليله واهم شي ماله اي مضار ولا تخافين منه وتحاتين ..

ولو تبحثين بقوقل عن مكونات منتجات سكر الرشاقه تقدرين بعدها تبحثين عن فوائد ومضار كل مكون…وما شاء الله النت ما يقصر..وانصحج يكون البحث بالانجليزي لأن بالعربي الله بالخير ماعندنا خبر..خذي العلم منهم…

عزيزتي …مو كل شي يمشون عليه الاخرين نقوم ونسويه بدون مانعرف شنو فوائده ومضاره عالجسم…وكل ما رجعنا للمواد الطبيعيه والله افضل واريح لنا نفسياً… وما ورا هالمنتجات الا الامراض يا كافي الشر…

شكرا لج عزيزتي بسببج اليوم عرفت ليش سكر الرشاقه مضر وشنو المكونات الضاره فيه… وان شاء الله اكون افدتج والجميع.. الله يحفظج لعيالج وريلج وأهلج وتضعفين بطريقه صحيه آمنه :)
واذا تحتاجين لمعرفه اي شي ثاني لا تترددين :)

روج أحمر
31-07-10, 11:38 PM
الله يجزاس خير عل الموضوع اللي شوقني اعرفس اكثر
انتظر باقي مقالاتس باحر من الجمر
............................




لانني اسعى كذلك لهذا الطريق!
طريق الرشاقه.. والصحه.. والجمال
لي عده شهور وانا مثابره على القراءه في طيات المواقع عن كل ما يفيد جسمي
وشاركت في أجمل التجمعات للوصول الى الوزن السليم ...
التحقت بمراكز التغذيه لمعالجه سمنتي ..

ولله الحمد والمنه يا Dana55 استطعت أن انجر الشي الكثير
فقدت 11 كيلو ولله الحمد والمنّه
بفضل ربي ثم بفضل نفسي

اتمنى ان تقبليني رفيقتك في هذا الدرب


.................................
والف شكر لعرض تجربتس ومتابعتس ^___^

Dana55
31-07-10, 11:48 PM
الله يجزاس خير عل الموضوع اللي شوقني اعرفس اكثر
انتظر باقي مقالاتس باحر من الجمر
............................




لانني اسعى كذلك لهذا الطريق!
طريق الرشاقه.. والصحه.. والجمال
لي عده شهور وانا مثابره على القراءه في طيات المواقع عن كل ما يفيد جسمي
وشاركت في أجمل التجمعات للوصول الى الوزن السليم ...
التحقت بمراكز التغذيه لمعالجه سمنتي ..

ولله الحمد والمنه يا dana55 أن انجر الشي الكثير
فقدت 11 كيلو من جسمي ولله الحمد والمنّه
بفضل ربي ثم بفضل نفسي

اتمنى ان تقبليني رفيقتك في هذا الدرب


.................................
والف شكر لعرض تجربتس ومتابعتس ^___^


عزيزتي روج آحمر ^ـ^

اول شي اقولج مبروك على انجازج وأحيي فيج رغبتج بتغير نمط حياتج وكسب صحتج والسعي في هذا الدرب ^ـ^ والمشوار مايوقف حتى بعد الوصول للوزن المطلوب..وانتي ان شاء الله قدها وقدود…انا واثقه من هالشي ان شاء الله…

انتي أنجزتي شي كبير ومن حقج تفخرين بمثابرتج…ويارب تكونين مثال لكل من حولج عشان يكسبون صحتهم وحياتهم :)

وانتي ويانا عزيزتي لحد مانوصل غايتنا وهدفنا….لأن نبي أمثله حقيقه..وتجارب واقعيه…حلول واقعيه تساعد كثير من النساء والبنات…واللي يسعى للخير الله ان شاء الله بييسر له الناس والطريق الصح لإفاده الاخرين….

M!$$ Dior
01-08-10, 04:39 PM
ممكن اسم دكتورة التغذيه اللي رحتي لها ؟؟

مووفقه ^^

~{ мş.Sђôşђô }~
01-08-10, 05:12 PM
مشكووووووووووووورة

al.3needa
02-08-10, 01:55 AM
موضوعس روووعه وربي سار لي اكثر من شهرين احاول انزل من وزني بس ماكو فايده للعلم اني نزلته قبل بس رجعته مره ثانيه لاني ما ستمريت على الطريقه الصحيحه
ان شاء الله انزل الوزن قبل العيد

ديزي
02-08-10, 01:40 PM
مشكورة على الموضوع وماقصرتي

Dana55
05-08-10, 07:17 PM
ممكن اسم دكتورة التغذيه اللي رحتي لها ؟؟

مووفقه ^^

هلا عزيزتي…

اكيد ممكن…بس قبلها ابي اقول ان كل اخصائيات التغديه يقدمون نفس النصايح بالجدول الغذائي…اهم شي المتابعه والاستمراريه حتى لو كان الريجيم شوي صعب…

عموما الدكتوره هي عائشه صقر وهي موجوده بمستشفى العمادي…انا رحت هناك وقلت اي اخصائيه وخلاص ماكنت اعرفها من الاساس…بس هي ما شاء الله طلعت معروفه وتطلع بالتلفزيون بعد…ولمن بحثت عنها بالانترنت ما شاء الله الكل يمدح فيها … مابي اسوي دعايه لكن الحق ينقال هي ما شاء الله عليها ممتازه وتشجعج بس اهم شي انتي تستمرين عالجدول اللي تعطيج اياه وتستمرين وياها ^ـ^

Dana55
05-08-10, 07:33 PM
هلا بالبطات المتحمسات للياقه ^ـ^

مثل ما وعدت ببدايه موضوعي اني راح ارفع جم ملف يساعدكم….

ممممممممم كنت ابي انزل الريجيم اللي مشيت عليه بالبدايه لكن اشوف من الافضل اللي تبي تبدأ ريجيم اول شي تسوي تحليل دم يعني بالاول لازم تراجع اخصائيه تعطيج التحاليل اللازمه لان كل وحده يختلف جسمها عن الثانيه وسبحان الله يمكن في اكلات ما تستحملها او تسبب لها حساسيه لاسمح الله…فالافضل مراجعه طبيبه مختصه وهي من نفسها راح تعطيكم ورقه تحاليل وبعطيج الريجيم اللي يناسبج…ما شاء الله دكاتره التغذيه ياكثرهم بقطر والحمدلله هاي مؤشر طيب ان في ناس يساعدونا وبنفس الوقت هاي معناه اي اكو مشكله نعاني منها ^ـ^

عموما هذا الجدول الغذائي اليومي اللي راح تسجلين فيه كل شي اكلتيه + الرياضه+ معدل شربج للماء …احب انبه ان المفروض الانسان البالغ يشرب الماء بمعدل ٦ اكواب باليوم بما يعني كوبين قبل كل وجبه وليس بعدها عشان ما تمتلي المعده ويسبب (الكرش)

تم رفع الملف هنا:
http://www.mediafire.com/?0pc7gjq9ina3nbe

Dana55
05-08-10, 07:41 PM
موضوعس روووعه وربي سار لي اكثر من شهرين احاول انزل من وزني بس ماكو فايده للعلم اني نزلته قبل بس رجعته مره ثانيه لاني ما ستمريت على الطريقه الصحيحه
ان شاء الله انزل الوزن قبل العيد

هلا عزيزتي…

امممممم اعرف الوضع اللي تمرين فيه عدل….هالشي مايصير لج بروحج…يصير لنا كلنا…المغريات جدامنا وايد…وما شاء الله العزيمه مررره ١٠٠٪ ومره صفر ٪ بس بالاول والاخير لمن تصمدين وتشوفين الوزن يقل مع الوقت راح تستانسين وتستمرين اكثر واكثر….

اصعب شي ان تفقدين الوزن…لان يبيلج اسبوعين عشان تنزلين ٣ كيلوووو وهذا اقل شي المفروض تنزلينه (تخيلي !!!!!)
يعني تعب اسبوعين وفقدان ٣ كيلووو الحمدلله بعد نعمه…طبعا هذا على حسب طبيعه جسمج والدكتوره ممكن تفيديج وتقولج لو جسمج يفقد الوزن بسرعه او لا…

الخبر الحلووو ان شهر رمضان الفضيل خلاص مابقى عليه الا جم يوم ان شاء الله…وهاي فرصه مو بس ذهبيه هاي ممكن تكون فرصه العمررررر ان تنزلين الوزن آكثر مما كنتي تتوقعين وتبين ^ـ^

راح ارجع احط شغلات ان شاء الله ممكن تفيدكم …وخصوصا البنات اللي يحبون يكونون بالبيت وصعب عليهم يروحون نوادي رياضيه لاي ظرف كان

Dana55
16-08-10, 12:16 AM
مرحبا خواتي ^ـ^ شخباركم مع رمضان ؟؟ لاتقولون خربتوووا الريجيم خلونا نطلع حلوين بالعيد ^ـ^

هذا الجدول الغذائي اللي اخذته من اخصائيه التغذيه رفعته لكم على هالرابط : http://www.mediafire.com/?0eua5aooes67j4c

بنات ... بمجرد ماتمشون عالجدول كم يوم اكيد بتلاقون صعوبه لأن النتيجه تحتاج مجهود كبير ومنها تحمل تقليل الاكل عن الكميات السابقه اللي تعودتوا عليها... طبعا هالجدول للايام العاديه لكن ممكن تتطبقونه عالفتره الحاليه برمضان ... لان احنا ناكل وجبتين فقط )فطور وسحور( يعني بالجدول بيكون وجبه الغدا والعشا .. وحاولوا تنوعون بالاكل عشان ماتتمللون ... وحلو لو دخلتوا وطبختوا على كيفكم بيكون الاكل احلى ^ـ^

وحده من الخوات سألتني كم المده اللي آمشي فيها .. انا تعودت عالرياضه يعني استمر لفتره وعقب اقطع .. لكن لمن تبدين لأول مره أو راجعه من بعد مده للرياضه الافضل تبدين بوقت اقل .. يعني ابدي اول يوم نص ساعه مشي على جهاز المشي او بالحوش لو كان يساعد .. بس مع الحر الواحد تلوع جبده يكمل مشي برا ههههههه عموما المشي يسخن العضلات .. حاولي تعودين نفسج تمشين لآخر دقيقه .. اشغلي نفسج خلال المشي بالاستماع لشي يعني قران او كلام مفيد او حتى شغلي التلفزيون وامشي ... اضبطي جهاز المشي على الوقت اللي تبينه عشان ماتعورين راسج تشوفين اشقد مشيتي .. المشي حلو وايد ويحرق لكن النتيجه تبين شوي شوي وتاخذ وقت ...لكن اكو نتيجه ... انا عقب اسبوع من المشي وصلت لساعه الا ربع مشي . وبعدها بديت امشي ربع ساعه للتسخين وبعدها أيروبك )سيدي ايروبك مع مدربات رياضه( ..وامشي على حسب المده اللي يشتغلون فيها يعني على حسب ممكن توصل نص ساعه او ساعه الا ربع يعني هالشكل مع المشي ممكن تكونين تمرنتي من ساعه الا ربع الى ساعه وثلث تقريبا..

مادري يمكن نسيت شي او شي .. اللي ببالها سؤال ان شاء اجاوبها عليه على قد معرفتي ^ـ^

SmsmQTR
22-08-10, 04:15 AM
باجر ان شاء الله برفع لكم كم جدول للاشياء اللي لازم تسونها يومياً.


<< بانتظاارج يالغلا

SmsmQTR
22-08-10, 04:19 AM
مايفتح الراابط..

بريق الشوق
24-08-10, 08:24 AM
بصراحة

اهنيك

ماشالله

تبارك الله لاقوة الا بالله


الله يوفقك وان شالله تستمرين

والفال لي


اول مرة احس اني مب قادرة ابتدي

وان بديت يومين وما اكمل !!


قبل ما اتزوج نزلت 12 كيلو

وصار جسمي مرتب واستانست من قلب

عقب ما تزوجت بفترة زدت حول 6 كيلو .. ورديت اسوي رجيم

ونزلت 10 كيلو وصج صج صار جسمي مرتتتتتتتتتتب اكثر من قبل الزواج

واستانست باللبس وما خليت فساتين .. والله كتب وما تهنيت بجسمي وحملت الحمد لله..

وانتفخت مع الحمد.. وصل وزني رقم عمري ما تخيلت اشوفه
والمشكلة .. مافيني طول عشان يغطي هالوزن

وزاد الطين بله .. اني ربيت بعملية قيصرية.. يعني مستحيل اربط بطني قبل 4 او 6 شهور من العملية.. مع ذلك جربت بس تعبت وونزل دم من جرحي..


نزل وزني عقب الولادة 12 كيلو..

بس للحين اوفر ويت


وكل ما بديت.. ثاني يوم او ثالث يوم اخربط

ابتدي مشي 3 او 4 ايام.. واوقف


متضاااايقة من قلب

لا اقدر البس ولا اقدر استانس

احس صج فيه شي غلط

وكل يوم اقول بكرة


ويجي بكرة وانا ما سويت شي !


يبي لي وقفة قوية مع نفسي وابدا نفس ما بديت قبل


والله يعيني وانجز


سامحيني ع الاطالة..

بس نوع من الفضفضة


يعطيك العافية

وان شالله اتابع موضوعك واستفيد منه

Dana55
25-08-10, 01:19 AM
مايفتح الراابط..


فديت قلبج الرابط شغال ...
جربي اللنك اللي حاطته الحين ..

http://download344.mediafire.com/ymdkm67f8ytg/0eua5aooes67j4c/DietProgram.pdf

Dana55
25-08-10, 01:31 AM
بصراحة

اهنيك

ماشالله

تبارك الله لاقوة الا بالله


الله يوفقك وان شالله تستمرين

والفال لي


اول مرة احس اني مب قادرة ابتدي

وان بديت يومين وما اكمل !!


قبل ما اتزوج نزلت 12 كيلو

وصار جسمي مرتب واستانست من قلب

عقب ما تزوجت بفترة زدت حول 6 كيلو .. ورديت اسوي رجيم

ونزلت 10 كيلو وصج صج صار جسمي مرتتتتتتتتتتب اكثر من قبل الزواج

واستانست باللبس وما خليت فساتين .. والله كتب وما تهنيت بجسمي وحملت الحمد لله..

وانتفخت مع الحمد.. وصل وزني رقم عمري ما تخيلت اشوفه
والمشكلة .. مافيني طول عشان يغطي هالوزن

وزاد الطين بله .. اني ربيت بعملية قيصرية.. يعني مستحيل اربط بطني قبل 4 او 6 شهور من العملية.. مع ذلك جربت بس تعبت وونزل دم من جرحي..


نزل وزني عقب الولادة 12 كيلو..

بس للحين اوفر ويت


وكل ما بديت.. ثاني يوم او ثالث يوم اخربط

ابتدي مشي 3 او 4 ايام.. واوقف


متضاااايقة من قلب

لا اقدر البس ولا اقدر استانس

احس صج فيه شي غلط

وكل يوم اقول بكرة


ويجي بكرة وانا ما سويت شي !


يبي لي وقفة قوية مع نفسي وابدا نفس ما بديت قبل


والله يعيني وانجز


سامحيني ع الاطالة..

بس نوع من الفضفضة


يعطيك العافية

وان شالله اتابع موضوعك واستفيد منه

تصدقين يا بريق الشوق جاتني الصيحه وانا اقرا كلامج ... ذكرتيني بأيامي اول لمن ابتدي ما اطول وعقبها اتحسف وانقهر ....حاسه بكلامج كله وبالعكس انا مستانسه وايد لان فضفضتج بدايه الوعي الذاتي وان انتي تبين تسوين شي وتتغيرين للأفضل ... حطي هدف الصحه والجمال من الاولويات بحياتج لأن هالشي راح ينعكس على الناس اللي حولج وحتى عيالج وريلج ...

حاليا قاعده اترجم كتاب بخصوص الرياضه والريجيم واشلون تشجعين نفسج لأن محد بيهتم لج اكثر من نفسج صح ^ـ^

ان شاء الله راح احط اجزاء من الكتاب كل ما اخلص من جزء... ما شاء الله وايد حلو ومفيد ويارب تلقين فيه الحافز ويفيدني ويفيد الجميع ان شاء الله ^ـ^

وصدقيني مثل ما قدرتي تضعفين قبل الزواج بتقدرين الحين وبكل سهوله لانج جربتي وتعرفين الطريقه .. بس اللهم يبيلج شويه صبر وتحمل ^ـ^ .... كلنا بنتساعد ان شاء الله لتحقيق هالهدف ^ـ^

غزلان الدلوعه
25-08-10, 01:32 AM
يسلمووووووووووووو يالغلا

بريق الشوق
25-08-10, 06:04 AM
يعطيك العافية على ردك

وان شالله الله يقويني واستفيد من نصايحك


الله يجزيك الخير

صيته تاكل عصيده
25-08-10, 10:30 AM
موضوعك رائع جداً وأهنيك عليه أنا فيني طبع أتملل بسرعه ومافيني صبر

ابي اغمض افتح خلااص عشان كذا اتكيسل أسوي الحاجه لاكن مع هذا رجع واسووي

من جديد بس ما استمر لازم اخربهااا لازم وراح اشارك معك في موضوعك

وأشووف تجاربك ونصايحك وتجارب البنات والله يعين ونووصل اللي نبيه ان شاءالله

أتمنى ماتقطعي موضوعك

Dana55
27-08-10, 08:27 AM
موضوعك رائع جداً وأهنيك عليه أنا فيني طبع أتملل بسرعه ومافيني صبر

ابي اغمض افتح خلااص عشان كذا اتكيسل أسوي الحاجه لاكن مع هذا رجع واسووي

من جديد بس ما استمر لازم اخربهااا لازم وراح اشارك معك في موضوعك

وأشووف تجاربك ونصايحك وتجارب البنات والله يعين ونووصل اللي نبيه ان شاءالله

أتمنى ماتقطعي موضوعك

ان شاء الله عزيزتي بس استمري وواصلي ولا تكثيرين من العصيده تررا لها اثار عكسيه ^ـ^

ياريت النتايج تجي بغمضه عين ... كل شي بالحياه يبيله شغل وجهد والا اشلون بنحس بحلاوته ^ـ^ صح والا لا !!؟

aldana
28-08-10, 12:22 AM
الله يوووفقج ومشكوووره على نقل التجربه
انا مشكلتي بالاراده
اسووي رجين 4 ايام وارجع اخربط نفس الشي الرياضه وطبعا ما اقاوم الاكل في الجمعات

Dana55
30-08-10, 03:19 AM
عزيزتي الاخت "شسالفتي" فديتج ارسلتي لي رساله خاصه تسئليني فيها عن سر الاراده والاستمراريه بالريجيم والرياضه ... اسفه ما رديت بدري لان خبرج رمضان مانقعد وايد عالنت ...

عموما ان شاء الله راح ارجع لج بالجواب من خلال تجربتي الشخصيه ^ـ^

شسالفتي
30-08-10, 07:10 PM
طيييييب وانا انطرررررج ....

ومتشوقة اعرف السررررررررر

Dana55
02-09-10, 02:57 AM
مرحبا عزيزتي "شسالفتي"

تعالي بقولج سالفتي ^ـ^

السر الله يسلمج…اني قررت اغير حياتي … صحيح اني بأكثر من مره قررت هالقرار وبنص الطريج اوقف … لكن كان قراري الاخير كان هو القرار المصيري… فكري فيها احنا كم مره بنعيش؟ فليش مانعيش حياتنا بصحه وجمال صح والا لا

الكلام عن الرشاقه والريجيم والاكل والخ منتشر بكل مكان…والكلام اللي لايودي ولايجيب ياكثره … لكن الكلام الصجي هو ان الريجيم بدون رياضه مو ريجيم ^ـ^
واللي يقولون ريجيم بو اسبوع ويضعفج ١٠ كيلو … لو فعلا كان الموضوع بهالسهوله جان الكل ضعف وماعنده اي مشكله …
لازم بالبدايه تفهمين طبيعه جسمج … شنو اللي يمتنج وشنو اللي يآثر فيج بسرعه .. هل انتي من النوع اللي يفقد الوزن بسرعه والا ببطئ يعني كميه حرق الدهون عندج كبيره والا قليله لان هاي معناه انج تبذلين مجهود اكبر اذا كانت كميه حرق الدهون عندج قليله…وهالمعلومه المهمه راح تعرفينها من خلال التحليل … عند اخصائيه التغذيه جهاز بدقيقه تقدر تطلع لج كل هذا … هذا بالاضافه الى التحاليل اللي لازم تسوينها للكلسترول والضغط والغده وفقر الدم …كلها تحاليل احتياطيه يعني عشان الدكتوره وانتي تعرفين جسمج اكثر
بيبقى عقبها الجدول الغذائي اللي لازم تمشين عليه كلمه كلمه ولو كان قاسي عشان توصلين للنتيجه المطلوبه … لو ضغطتي على نفسج شوي صدقيني كل هالتعب يسوى بالاخير…كفايه بتشوفين نفسج بالمرايه وكلج رضى على شكلج وكل ثقه لمن تمشين بأي مكان ولمن تقعدين بين اهلج وربعج بتكونين حدج ثقه لانج عارفه ان مافي مطبات هوائيه وانتي اكيد بتكونين حلوه واهم اهم اهم شي بصحه…

بصراحه اكذب عليج لو اقولج ان الموضوع سهل..لا مو سهل لان يحتاج دافع كبير منج اكثر من اي حد ثاني…انا اتضايق من الكلام اللي يكسر حماسي..يعني انتي الحين تسوين رياضه وريجيمج صح واعصابج مشدوده بسبب هالشي ويجونج اللي يقولون ترا هذا مو زين وهذا مو زين ولا تاكلين هذا والخ …يعني انتي ماشيه على شي عطتج اياه الدكتوره وهي ادرى بشغلها….يعني انتي لازم تبدين هاي كل بسريه …مو لازم الكل يدري انج تسوين ريجيم لان الريجيم فعلا يتعب ويخلي اعصابج مشدوده لأنج قاعده تبذلين مجهود في ساعه او اكثر وتضغطين على نفسج بالتمارين …فلا تخلين العيون عليييييج حاولي كل شي يكون بسريه … وانا اكتشفت ان لمن ابشر العالم اني اسوي ريجيم ترا مايضبط وياي واوقف باسبوع !!! لكن لمن بديت اسويت الريجيم والرياضه بيني وبين نفسي صرت اعطي اكثر عشان لا اخذل نفسي.

شي مهم جدا لازم تنتبهين له ….لاززززم يكون عندج شخصيه تبين تصيرين مثلها …اقصد مثلها بالرشاقه … بأكثر من كتاب قرأت ان من المهم يكون عندج شخصيه تبين تكونين بمثل رشاقتها او تناسق جسمها … مجرد حافز لا اكثر..

نرجع الحين للرياضه…انا رحت نوادي رياضيه وايد …النادي لانج مشتركه فيه فلازم تروحين غصبن عنج وحتى لو عندج ظروف بتروح عليج الايام …يعني انتي تلتزمين وهم مايعذرونج لو عندج ظروف…تخيلي مره وانا بالتمرين على ال ستب من كثر ما دوختنا المدربه جاتني دوخه وما انتبهت وطحت وريلي افركت وعضلاتي بيومها خلاص مشدوده من الاحتكاك اللي صار ..ماقدر امشي عليها والدكتوره قالت لازم ماتلعبين لفتره لحد ما اشفى..تخيلي مركز الرياضه مارضوا وقالوا حدج اسبوع غياب وبعدها بينلغي اشتراكج كان عندي ٣ شهور !!!!! وطبعا لا باسبوع ولا بشهر شفيت الا بعدين وطبعا انلغى الاشتراك…شتسوين يعني تشتكين عليهم والا تتهاوشين ؟؟
فقلت ليش المذله خل اتمرن بالبيت … جهزت لي غرفه بتلفزيون وشغلات رياضيه بسيطه مثل ما مطلوب بالتمرين فقط … وصرت امشي كل يوم نص ساعه عشان تسخين وبعدها أيروبك مع المدربه بالتلفزيون …وانوع بالتمارين مو كل يوم نفس الشي عشان ما اتملل. طبعا هالشي سويته بعد مارحت للاخصائيه قلت لازم ابدأ كل شي من البدايه صح …

سر اخر بعد .. اني اقرا ..اثقف نفسي. .. ترا معرفتج بمعلومات جديده عن الصحه والرياضه تساعدج اكثر ان تبذلين مجهود اكبر .. وبعدين لمن اي احد يسألني عن اي شي اكون قادره اشرح لهم الشي لاني جربت مو مجرد كلام فقط… خذي الكلام من مصادر موثوقه ^ـ^

سر ثاني بعد الكل يسويه بس مانحس فيه ..هو السووووق.. تدرين ان الوحده تنقهر ان تروح تتشرى وخاطرها بفستان او اي قطعه وماتحصل المقااااس او يكون مو مرتب…قهر صح !!! من بدايه الريجيم بشكل فعلي امتنعت عن شراء اي شي لحد ما افقد عدد من الكيلوجرامات يعني رقم مضبووووط … وبعد مقاطعه طويله للمحلات..روحي وجربي اللي بخاطرررج والله تنصدمين ان ممكن تلبسين مقاس اصغر من اللي تحلمين فيه بعد … يعني صدمه بس صدمه حلوووه تخليج تقولين ابي المحل كله بليز (بس لاتتهورين وتشترين المحل كله صج)


خلاصه الاسرار…انتي اللي تعطين الحافز لنفسج لشغلات ببالج…في بنات يبون يضعفون عشان يتزوجون (لان فعلا هاذي معاناه لكن مطلوبه ) وفي بنات يبون يضعفون عشان يكونون احلى ..وفي بنات يضعفون عشان وعشان وعشان …انتي ابتدي من اليوم وقولي ابي اضعف عشان نفسي وصحتي وجمالي … المتن ما وراه الا الشكل يتغير للاسوأ وملامحج الحلوه تختفي -- المتن يسوي اكتئاب لاتقولين لا مايسوي !!! -- المتن يخليج تكرهين الثياب !!! ---المتن يصيبنا بالامراض ياكافي الشي الله يحفظنا ويحفظكم ان شاء الله -- المتن عدووو المرأه ---- المتن يقضي على شباب المرأه قبل ماتعيش شبابهااا

يمكن عقب كل هالكلام ماحصلتي السر …. لان السر موجود بداخلج وموجود بحياتج اليوميه ولازم انتي تعرفينه من كل هذا

عرفتي السر ؟؟

صيته تاكل عصيده
02-09-10, 10:23 AM
اي والله صاادقه بكلامك هو احنا نعرف السر بس الأراده معدوومه وفعلاً لما تبشرين

الناس انك بديتي برجيم فعلاً مايكمل حتى اسبوع ونرجع ومادري وش السبب

قريت الأسرار واحس ان ودي ارقراها مره ثانيه مثل الصفعات اللي توجه لنا

واحنا فاتحين عيونا فعلاً هذا الحاصل بس نتجاهله

Dana55
03-09-10, 05:02 AM
كل شي يحتاج صبر ومجهود .. كيف احنا صبرنا وتحملنا زياده وزنا خلال الشهور والسنين ونجي بين يوم وليله نبي نخسر الوزن كله ..... مثل ماخذتي وقت بالزياده بعد بتاخذين وقت بالنقصان ... ^ـ^

عسااااكم عالقووووه

شسالفتي
03-09-10, 05:23 AM
ماشاء الله عليج صراحه كفيتي وفيتي حبيبتي والله عطيتيني وايييييييييييد اشياء اتخليني استمر بارجيم حبيت كلامج وايد واقتعت به لأنج ع حق

جزاااااااااااااااااااااج الله خيررررر وعساة ربي يناوج الوزن اللي تبينه يارب والإستمرار

Dana55
03-09-10, 06:07 AM
خلج دوم متحمسه حتى لو مرت عليج ايام مو شي حاولي تغيرين الجو حولج وتكونين دايما ايجابيه ... دايما الصعب تكون نتايجه حلوه ^ـ^

عقبال ماتصيرين رشيقه وتغطين عالقمر ^ـ^

أدفى إحساس
05-09-10, 05:20 AM
آآآه يالاراده وينج ؟؟؟؟؟؟؟؟؟؟

قبل كانت عندي اراده وكنت استمتع بالرجيم والرياضه وانزل نزول حلو وانحف واصير حديث الكل ..

لكن راح كل هذا

بعد ماتخرجت واشتغلت متنت متن مو طبيعي لدرجة اني زدت 20 كليو خلال سنه
واللحين ابي ارجع اسوي دايت مب قادره
فيني اكتئاب مو طبيعي اكره البس وكل مااشتري لبس حلو يطلع علي لوووعه
اسوي دايت يومين ويجيني شي مااقدر اكمل وارجع للأكل والكسل مره ثانيه
اشتركت مع مركز نيوترشن عند اخصائي تغذيه تخيلوا دفعت فلوس ومارحت لهم الا يوم وااااااحد بس عقب نسيتهم مع اني كنت ميته اروح لهم
جهاز السير مرتز بغرفتي وكل يوم اطالعه واقول لين متى اطالعك ولا اجيك
عندي معلومات كثيره عن التغذيه والدايت ودوووم اقرأ واقرأ بالنت والكتب لدرجة ان واجد يسألوني عن بعض الاشياء كأني خبيرة تغذيه
صح قبل كنت اطبقها لكن اللحين لا مااطبق الا الاكل وتفريغ شحناتي بالزط

ادري طولت لكن يوم قريت موضوعج والردود انفجرت هههههههه

الله المستعان والله ادعي بكل يوم من هالليالي العشر برمضان انه يقوي ارادتي وارجع انحف مثل قبل

دعواتكم

Dana55
05-09-10, 11:09 AM
هلا عزيزتي ادفى احساس..

على طاري الاكتئاب...انا اليوم فيني اكتئاب من الدوام لا بارك الله في الشخص اللي ضايقني ..لو تكرفين عمرج شغل مايعطونج حقج تقولين دافعين شي من جيبهم...

عموما الله سبحانه وتعالى على كل شيء قدير...

نرجع على طاري الاكتئاب ... في الاكتئاب الايجابي وفي الاكتئاب السلبي ؟؟ صج هالكلام ؟ صراحه مادري .. بس انا من يجيني اكتئاب اطلع حرتي بالاكل ..اظن الاغلبيه هالشكل ..

امممممم والاكتئاب يخليني اكره الرياضه واكره نفسي اصلا...بس مع شويه كلام مع نفسج ودفعه للامام تلقين نفسج لبستي لبس الرياضه ولعبتي وطار الاكتئاب شوي...لان جسمج يطلع حررررته بأي طريقة ..وهاي احسن طريقه ..

تدرين سالفتج كلنا نمر فيها مو بروحج ترا...يعني لاتحاتين مب بروحج تعانين .. حاولي تحفزين نفسج مثل قبل وشوفي شيصير...

مافي شي يجي من فراغ ومستحيل القعده هالشكل بتخليج تصيرين اللي تبين تكونينه... انتي الوحيده اللي تقدرين تتحكمين بجسمج...حاولي تفكرين بطريقة تخليج تشتطين للرياضه والريجيم ؟؟ قصصي صور عارضات ازياء وسوي لج ملف منهم ..شوفيهم كل ما تضايقتي ترا تتحمسين...في حلقات اوبرا لناس اضعفوا شوفيهم ترا بعد الاشياء الواقعيه فيها حماس .. اوعدي نفسج ان بعد شهرين من الريجيم والرياضه بتروحين تشتري ملابس جديده بشرط توقفين شرااء اي شي خلال هالفتره عشان تلاحظين نفسج غير... شاركينا اهني باللي يصير وياج ترا الفضفضه وايد زينه وتساعد... حاولي تبتعدين عن اي مؤثر سلبي ممكن يأثر على ريجيمج...خلال الرياضه استمعي لشي تحبينه... نوعي بالاكل الصحي عشان ما تملين ...حاولي يكون اكلج فيه ألوان عشان النفسيه ^_^ يعني خضروات ما شاء الله ألوان واشكال سويها عالبخار وزيني فيها الطبق واكلي وانتي مستانسه .. عندج بعد ملابس الرياضه انا افضل يكون عندج اكثر لبس لان يساعد النفسيه بعد والحماس وكل ما لبستي شي غير كل مره ترا احسه يفرق عالشخص ولو تكون فيها الوان احسن واحسن وشوفي شتفضلين انتي ...حاولي انتي تبتكرين طريقة ممكن نكون ما فكرنا فيها وهالطريقة تكون ساعدتج وفيدينا فيها بعد...

النفس البشريه تتأثر بسرعه..ولو وحده يمج قالت لبنتها ترا المتن مب شي ويخليج كريهه والله وانتي يمها بتتضايقين من الحجي حتى لو ما كان موجه لج بس تعرفين ان هاي نظره هالشخص اتجاه المتين ..
وبالنهايه انتي قلتيها صايدج اكتئاب يعني هالاكتئاب من وين جاي .؟ احنا اللي سوينا هالشي لنفسنا واحنا نضايق نفسنا .. ولو في شخص هو السبب باللي احنا فيه جان قتلناه اكيد !!!

بريق الشوق
08-09-10, 07:25 AM
ادعو لي الله يثبتني


ابي ابدا مب قادرة

انتظر يخلص رمضان باذن الله وخلاااااص لازم احط حق نفسي حد


صرت ما اقط عباتي في بيت هلي

اكره احط مكياج اقول استغفر الله خدودي صارت اشكبر وبعد بحط مكياج !!

اشوف نفسي في المنظرة واقول الحمد لله والشكر

اش باقي بعد !!

كعوبي مب قادرة البسها احس ماعندي توازن

فساتيني ما راح تتسكر علي

وراي مناسبة عقب العيد وراي يوم زواجي

وانا للحين ما سويت شي


مقررة ابتدي مشي من تاريخ 15/9 على اساس تكون خلصت زيارات العيد

ولازم ابدا دايت من نفس التاريخ

مادري اش صاير

انا كان عندي ارادة

بس مادري وين اختفت !!


صايرة اوزن .. ومن القهر اقوم اكل كافي !!

واااااااااايد شهيتي مفتوحة للاكل حتى لو مب جوعانة بس ملل ابي اكل !!


وايد مستحية من نفسي وايد مستحية من زوجي وايد مستحية من هلي وايد مستحية ارد الدوام بهالمنظر !!


وبالنسبة للسرية

تدرين.. انا صورت النظام اللي اتبعه حق 3 وياي ومادري سوو رجيم ولا لا !!

ماعندي سرية

شكلي ببدا هالمرة بسكات



سولفت وايد


بس صج محتاجة افضفض


اشكرك

Dana55
08-09-10, 09:32 AM
هلا بريق الشوق ^_^

من يومين كان فيني اكتئاب ... اتصلت لرفيجتي على اساس ان تعطيني كلمتين حلوين تهدي الموقف ... الا شوي قامت تهاجمني ... تقول انتي دوم مستعيله وتبين كل شي بسرعه..يعني لو حاطه بخاطرج شي تبينه الحين الحين وتبين كل شي يستوي على طول .. وكل شي بالدنيا يحتاج صبر ..

وعقب دشت لي بموضوع الريجيم والضعف..كنت اقولها يالله نتحدى بعض واحاول اشطها .. كل مره يطلع لها ظرف او شي معين .. بس انا ما نطرت..لمتى بنطر وبديت بروحي .. المهم قالت لي انتي حارمه نفسج من كل شي حتى ما تشترين شي عشان تنطرين تضعفين !! واخره كلامها قالت " عيشي حيااااتج "...

اوكي اوكي...ممكن بكلامها شي من الصحه..يمكن انا احرم نفسي من شي عشان اقدر اشجع نفسي لشي ثاني .. هاي طريقتي واشوفها تفيد وياي..شالفايده اروح اشتري مقاسات كبيره وعقب تصير مثل الخيشه باللبس ..

صح اعيش حياتي يوم بيوم .. وانا عايشتها وابي اعيشها بصحه واكون جميله بنظر نفسي وغيري .. مو عيب ان نعتني بنفسنا ومو غلط لو استمتعنا بنفس الوقت ...

يعني صحيح انتي الحين دبدوبه لكن بعد عيشي الوضع وبنفس الوقت عدلي على نظام حياتج ..

لمن اشوف بنات دبدوبات يعني يكشخون ومايستحون من المتن..اقول والله عندهم ثقه .. احنا حتى ثقه ماكوو ...وانتي قلتيها قاعده عند اهلج بالعبايه !!

رمضان خساره عليه خلص خلاص... استغلينا الصيام صح او ما غلط وعوضنا عالفطور والسحور والا لا .. اداب الاكل مازلنا ما نطبقها .. حتى طريقتنا بالاكل مو عدله ..يعني مايصير ناكل كل شي مره وحده ورا بعض ..اشياء وايد لازم نتكلم فيها بموضوع بروحه ..

لمن تنقهرين شي طبيعي بتطلعين حرتج بشي..وافضل شي يريح البال والخاطر هو الاكل وخصوصا السكريات والدهون يوووووه راحه عجيبه وكأن قاعدين ننتقم من نفسنا..بس بالاخير نرتاح .. تدرين انا بعطيج الخطه .. لمن تحسين بالقهر .. اكلي تمر يعني 3 تمرات حلوين وحلو ان سكره منه وفيه واشربي شاي اخضر عشان هدوء الاعصاب ^_^ وبنفس الوقت تحرقين الدهون وانتي قاعده ^_^ ... صدقيني عقبها ما بتتحسفين وبتقولين الحمدلله ما خربطت بالاكل..

الاراده موجوده بكل وحده فينا...وصدقيني مع شويه دز بتقدرين تستمرين ... وخلج دوم ويانا وفضفضي كلنا خوات نسمع لبعض ونشجع بعض .. ويارب نستمر وتدوم علينا الصحه ^_^

Dana55
08-09-10, 09:36 AM
وعلى طاري الجدول اللي وزعتيه عالبنات ^_^

ابدي بسكات احسن ... اخبر وحده كانت ويانا ايام الكليه دبدوبه وعالكورس الثاني اضعفت .. صدقيني ماقالت اشلون اضعفت ودوم تقولنا بسبب شوربه البصل ؟؟ وحده صدقت وكل يوم تسويلها شوربه بصل ..ريوق وغدا وعشى شوربه بصل..الاخت خلصت البصل من السوووق ولا اضعفت..الا صادها هبووط ..

الريجيم يحتاج موازنه بالاكل ..مثل ما اكلتي من كل نوع وزاد وزنج بعد تحتاجين تاكلين انواع معينه عشان تساعد بتقليل وزنج :)

بريق الشوق
09-09-10, 08:23 AM
يا زين كلامك بس

تسلميييييييييييييين والله ترفعين المعنويات


ان شالله ادخل مرة ثانية وانا مبشرتكم اني نزلت حتى لو كيلو

المهم ابشركم بالنزووول


الف الف شكر

Dana55
09-09-10, 09:55 AM
ان شاء الله ^_^ وانتي قدها وقدود ^_^

ريحانة قطر
26-09-10, 12:56 PM
مرااااااااااااااحب شخباركم واخبار الريجيم

Dana55
26-09-10, 01:03 PM
ههههههههههههههههه

عقب رمضاان وانا بخاطري انزل جم موضوع ...ان شاء الله بيكونون حلوين ومفيدين ^_^

والريجيم ... تدرين الاستمراريه تحتاج صبـر .. ان شاء الله ماخربوهاا البنات برمضان ^_^ جدام كل المغريات اظن خمسوووا ما شاء الله ^_^

وانتي عزيزتي ريحانه قولي لنا اشصار وياج...وين وصلتي بالريجيم !

روج أحمر
27-09-10, 07:30 PM
خلاصه الاسرار…انتي اللي تعطين الحافز لنفسج لشغلات ببالج…في بنات يبون يضعفون عشان يتزوجون (لان فعلا هاذي معاناه لكن مطلوبه ) وفي بنات يبون يضعفون عشان يكونون احلى ..وفي بنات يضعفون عشان وعشان وعشان …انتي ابتدي من اليوم وقولي ابي اضعف عشان نفسي وصحتي وجمالي … المتن ما وراه الا الشكل يتغير للاسوأ وملامحج الحلوه تختفي -- المتن يسوي اكتئاب لاتقولين لا مايسوي !!! -- المتن يخليج تكرهين الثياب !!! ---المتن يصيبنا بالامراض ياكافي الشي الله يحفظنا ويحفظكم ان شاء الله -- المتن عدووو المرأه ---- المتن يقضي على شباب المرأه قبل ماتعيش شبابهااا






درر والله
صدقتي فوصف المتن
يقضي على " شباب المرأه "
ويجر وراءه سلبيات اكثر واكثر


جعلس تسلمين دانه
ماااقصرتي

منوكدي
28-09-10, 10:17 AM
اي بس ابي اعرف شنو ناكل لانه انا متزوجة واول ماتزوجت كان جسمي روعة ويوم جبت بنتي الاولى سويت رجيم خفيف واعتدل جسمي ورجع وزني مثل قبل ويوم بنتي الثانيةخفت يخترب جسمي وحافظت علية لدرجة اني نسيت طعم الاكل الدسم وتاخرت في الحمل لمدة خمس سنوات وعقبها حملت في ولدي وبديت اكل طلعت حرتي ورجيمي كله وبديت اكل والحين جسمي اوكي بس اطلعتلي كرشة بارزة وانا مافيني لياقة كلش اني امارس رياضة عندي مشكلة في القلب بس ابي الحين اخفف شاسوي ابي اخفي الكرش لانه نوعا ما جسمي اوكي

شموسة2010
29-09-10, 09:35 AM
قولوا لاله الاالله انا عندي تجربه وترى هاي التجربه جاءت بالصدفه والله العظيم في حد مايحب الاكل طبعا اناههههههه- انا سيدة عندي 4 اطفال عاد قولوا الله يخليهم لج - المهم والله والله مانفع معي لاجهاز جري ولا مشي ولا صابون ولا كريم ولا خل ولا ليمون ومركز رياضة ولا مركز تغذية ولا شي والله ثم والله مانفع معاي الا شي واحد تبون تعرفونه عطوني فوس اضحك معاكم واقسم بالله مانفع معاي الا المائي الدافي
كنسلات كل شي بارد والايس كريم وبدلاته بالمائي الدافي افوح شوي مائي واترس الدله كل ساعه اشرب كاس لوتشوفوني الحين 90 صر وزني 83 ولي ماتصدق توعد معاي وتشوفني - اكل كل شي وختمه بماي دافي شوي - لي تبي تضعف تاكل لين يطلع من خشمة وتختمه بماي حار شوي .

شموسة2010
29-09-10, 10:21 AM
حتى في الشغل شربي مائي دافي شوي - تدرون ياحلوين والله لين ازود في الاكل شوي جبدي تعورني لانه المائي الدافي مايخليج تاكلين . ونصيحه تركوا عنكم العصائر البارده والغازات والمثلجات نصيحة من اخت للاخواتهم الحلوين وبدلوها بمائي دافي دافي شوي حار -
ودمتم سالمين

Dana55
29-09-10, 08:08 PM
عساكم عالقوه بنـــات

عزيزتي روج احمر. . فديتج تسلمين عالمتابعه واهم شي تشجيع الذات ... كلنا بنحاول نساعد بعض لنوصل لنفس الهدف..

عزيزتي منوكدي ... اممممم يعني نفع معاج التخفيف بالاكل بعد الولاده ونحفتي .. بقولج شي ما ودج تسمعينه ^ـ^ الجمال = ريجيم للأبد ^ـ^ مو معناه حرمااان من الاكل لا بالعكس لكن اكل بإعتدال + رياضه مو شرط يوميه اذا انتي مشغوله وعندج مسؤوليه على الاقل حددي ايام معينه بالاسبوع…قد يكون صعب بالنسبه لج بأول الايام بس لو جربتي تسوين لج جدول يومي صدقيني بتضبط وياج….الحل مثل ماقلت بكل كلامي (تخفيف بالاكل + رياضه بذمه وضمير ^ـ^) ووعد مني مابتشوفين الكرش بعد … النتيجه الحلوه تحتاج وقت…

عزيزتي شموسه ٢٠١٠… تسلمين فديتج على مشاركتنا تجربتج ^ـ^ الله يوفق الجميع ان شاء الله ونستانس بكل انجاز نسويه عشان نفوز بصحتنا ^ـ^

اصيلة قطر
29-09-10, 08:52 PM
شكررررررررررررررررررا

Dana55
29-09-10, 09:02 PM
عفووووااااااا ^ـ^

aldana
11-10-10, 12:13 PM
Thaaaaaaaaaaaaaaaanx

فطومة2005
28-10-10, 12:20 PM
موضوع فعلا يستحق التثبيت
بوركتي

Nada Hamad
28-10-10, 12:54 PM
أنا مش حامل ولا حملت لأني أصلا مش متجوزة

بس سنة الثانوية العامة والجامعة زاد وزني كتير, المشكلة انه الوزن عندي ما كان يبين يعني ما كان حدا يصدق أديه وزني لأنه الوزن عندي كان يتوزع وما يبين بس الملابس صار عندي مشكلة فيها ونفسيا كرهت أشتري ملابس وكرهت نفسي

حاولت مع الدايت سنتر وبعد شهرين ما نزلت الا 5 كيلو وكنت في آخر سنة بالجامعة
والمشكلة انه أنا ما كنت آكل خرابيط الأكلات السريعة ولا شبس وشوكولاته ما كنت آكل ربع اللي البنات بياكلوه من هالأكلات بس أنا بحب الطبيخ كتير وكان هادا سبب زيادتي بلس الأعدة سنة الثانوية وفالجامعة كنت أقعد فترات طويلة بسبب طبيعة دراستي

آخر شي قدرت أنزل حالي لحالي من غير الدايت سنتر 11 كيلو غير ال 5 اللي نزلتهم من قبل بس عن طريق اني أول شي نزلت الكميات جدا واذا كان نفسي فالأكل اللي على الطاولة أسكب لنفسي وأخلص الصحن وأقوم حتى لو نفسيا حاسة اني ما شبعت ضبطت نفسي بفكرة انه لو ما أكلت زيادة اليوم لأنه خاطري فيه ممكن آكل منه مرة تانية ما خلصت الدنيا, والانسان مو محتاج كمية كبيرة من الأكل علشان يشبع ويكتفي والباقي كله بكون زيادة
قللت الكميات في كل الوجبات, قللت السكر في الشاي والقهوة وأنا كتير بشربهم وحليب الشاي لغيته تماما مع انه رجعتله هلأ والكوفي ميت فالنسكافيه قللته, العشا خليت وقته بكير كتير يعني اذا بنام على 12 كنت أتعشى 6 وخلص ما آكل شي بعد العشا للفطور تاني يوم الصبح

اذا حبيت شي خفيف بين الوجبات آكل حبة خضار غالبا خيار أو فواكه دراق أو موزة, الموز بالنسبة لالي بيغنيني عن أدسم كيكة وحبة وحدة بتشبع هالاحساس عندي

الفطور أهم شي لأنه كل ما أكلتي في وقت أبكر باليوم كل ما ابتدا الحرق أسرع بالجسم والشخص اللي بيفطر فطور منيح الصبح ما بياكل بين الوجبات كتير وهالشي صحيح 100% عن تجربة وكنت أنتبه انه بكل وجبة آكلها يكون فيها بروتين يعني جبن دجاج لحم أو تونة أو سمك أو بيض البروتين والألياف بتعطيكي شعور بالشبع, وكنت أسوي أكلي لنفسي وأحاول أخلي شكله حلو أدلع نفسي فكانت عيني تشبع قبل ما أحس بالشبع وما أحس انه لسا بدي كمان رياضة الصراحة ما الي شدتها أبدا بس هلأ ناوية ان شاء الله أبدا بس لأنه رجلي بدهم شد شوي

طبعا النزول كان على فترة طويل يعني ال 16 كيلو نزلتهم خلال سنتين تقريبا ولكن حاليا ثابتة والحمدلله على الوزن وبما انه نزلتهم من غير رياضة فطبعا هالسرعة مع أكل اللي بدي اياه بهاي الوجبات ولكن بكمية قليلة ما حسيت بالحرمان كنت آكل شوكولاته مرة كل فترة وفترة وأكلت أكل طيب كتير وأكلت دجاج مقلي وأكلت برجر بس الكمية أهم شي وبعد فترة أصلا أنا صرت أشبع بسرعة, وعلى فكرة حاولت اني أنحف من زمان كتير واتبعت ريجيمات وما نفعت معي بس لما أصريت وأخدت الموضوع كأسلوب حياة صحي نفع معي وان شاء الله دووم

حاليا طولي 167 ووزني 64 وأنا مبسوطة جدا جدا بجسمي

فطومة2005
29-10-10, 09:15 AM
يالله ماشاء علا هذا الموضوع روعة تدرون جا بوقته والله سبحان اللي نورني وخلاني اقراه من احس بفشل الدايت ارجع اقراه وتجيني القوة منجديد مشكورة ياصاحبه الموضوع واكيد الشكر لكل من ذكر تجربته ..
انا الله يسلم كم نزلت من 92 كيلو الئ 74 كيلو خلال سنة ولو كنت شاده علا نفسي شوي جان نزلت اكثر انا بطبعي اتملل اشتط بالبداية وبعدها ابدا اماطل بس بعدها زاد وزني كيلوين والحين مسوية دايت عشان انزلهم واحس كانهم عشرة مو ثنين واتمنى اقدر انزل عشرة بس ...
المهم بالبداية كنت اعمل دايت ورجيم لوحدي ونزلت وزني لين 86 وبعدها غيرت المدربة وشدت علي كثير جسمي تغير بس وزني بالاسبوع يمكن نص كيلو ومرت لشهور لحد ماوصلت 82 وحلف ماينزل والي يسال عن نوعيه الدايت كان تخفيف فقط وبعد ماثبت سمعت في ذاك الوقت عن مركز نيوترشن ورحت لدكتور عادل اول مرة كان في المعموره ونزلت معاه لحد ماوصل وزني 77 وكملت بروحي لاني تمللت من كثر الروحات وبعدها نزلت لحد 74 وقفت الدايت وزدت لين 76 والحين رحت لها وهذا الاسبوع الثاني معاه والله يثبتني ان شاء الله ويثبتكم

الشيف مرايم
05-11-10, 02:07 PM
تصدقين وربي كل كلمة لتيها صح ... انا كنت رشيقة وكان الكل يتكلم عن جسمي وكنت احس انه مصر قوتي لين نفسي انفتحت عالاكل وصؤت اكل بنهم لين زدت في سنتين من وزن 47 الى 77 كيلو 30 كيلو زدتهم في سنتين بس وانا وايد قصيرة طولي 157 كرهت نفسي وكنت اسب عمري واقول يا الفاشلة يا الدبة انتي طول عمرج بتمين دبة .. ولا حاولت حتى اني اسوي رجيم او رياضة لاني احب الاكل وايد ... كنت اتحسر لما اشوف البنات في الاعراس كل وحدة تقول الزود عندي وانا بس مفتشلة من وزني وكرشتي صرت جنة الا حد نافخني ببنب .. مثل البالونة لين ما رحت عند الدكتور اشتكي لة من الم ريلي قالي زنج اوفر نزلية وبتشوفين الفرق مع ذلك هالشي ما سوى لي حافز كلللش .. دخلت مركز نيوترشن ما تميت معاهم اكثر من اسبوعين نزلت فيهم كيلوين وما قدرت اكمل وراحت فلوسي عالفاضي ... لين رمضان اللي طاف جا وقررت اني ابتدي باي ثمن قلت ما ابي يجي عيد ميلادي وانا مو نازلة شي اللي هو شهر 12 المهم اني بديت مع مجموعه من اهلي ودخلنا رياضة وكنا نخفف الاكل .. والله اني حبيت الرياضة لدرة اني اليوم اللي كنا ما نروح فية الرياضة اصيح من الملل كنت احس بنشاط وحيوية عمري ما كنت اتخيل اني ممكن احس فيها وحتى المدربة حسيت اني احبها ههه ... بعدين يوم قمت اشوف وزني ينزل وقياسي تغير استانست موووت حتى دربتي استانست علي وتمت تترجاني اني اكمل معاها شهر ثاني وا خلص رمضان الا وانا نزلت من 77 الى 69 نزلت 8 كيلو بشهر ونص تقريبا ومن دون ا احس بعد .. وما وقفت عقب رمضان كملت وخذيت جدول الرجيم من وحدة من اهلي دخلت مركز تغذية وكنت اتبعه معاها وكنت انزل وهي لا معنها تتابعها دكتورة اما انا لا لكن انا ارادتي اقوى منها ..

فطومة2005
05-11-10, 05:26 PM
براڤواااا شيف مرايم
الله يوفقج وتوصلين للي تبينه

Dana55
05-11-10, 11:14 PM
ما شاء الله عليكم بنات ^ـ^

اهم شي الارااااده وصدقوني كلنا نقدر نوووووصل لهدفنا ^ـ^

you can do it

أم الغلا ~
02-04-11, 08:28 PM
موضوع راائع ..
ـآآسسستــمررري ..لـلأأأأأمــــــآآم ،،