المساعد الشخصي الرقمي

مشاهدة النسخة كاملة : بحث عن مدرسة غير المها


{queen}
01-02-10, 08:06 PM
ياريت يا امهات المنتدي تفيدوني وتقولولي تجاربكم في دار الارقم واقرا

ام طمطم
01-02-10, 10:33 PM
وانا بعد بغيت مدرسه حق بنتي اجنبيه ومب مختلطه :21_186:
هي حاليا في روضة المها الدفنه كنت متردده اوديها عين خالد السنه الجايهaa44 بس عقب هالحركه السخيفه اللي سوها مافكر بعد مب كفااااايه في اخر الدنيا بعد ادفع مبلغ وقدره يعني موت وخراب ديار :cc6:

miss meme
01-02-10, 11:42 PM
الصرااااااااااااحه اذا تبون نصيحتي اكاديمه المها اوكي 100% من تعليم وتربيه

بنتي دلوعه
02-02-10, 04:24 AM
وانا بعد ابي ادخل بنتي مدرسه مب خلط وتكون قريبه مني لاني فالخريطيات ومومعقوله بدفع 40الف وبطق خط لين الصناعيه حسبي الله عليهم اللي يقول الياهل بياخد دكتورا
والمدارس البقيه خلط وانا مااحب الخلط صراحه

شربت
02-02-10, 10:04 AM
انا بعد ابي اغير مدرسة ولدي وبنتي بليز ساعدوني عن المدارس الممتازه الغير مختلطه وهل اكيد بيوافقون على الزياده

miss meme
02-02-10, 01:32 PM
الصرااااااااااااحه اذا تبون نصيحتي اكاديمه المها اوكي 100% من تعليم وتربيه



وي سوري قصدري اكاديميه الارقم خبرج رديت عليج اخر الليل وانا مسطله :21_133::21_133:
المهم بقول لكم عن اكاديمه دار الارقم شي بسيط ,,

اول شي ذي المدرسه مب خلط حق بنات من كيجي ون لين الثانويه العامه
والصراحه ذي المدرسه ماجفت مثلها فاول مافتحت كنا في المعموره ودخلنا بنت اخوي ولين احنا بيتنا في دحيل وتقريبا بنات العايله كلهم فيها تقريبا 9 بنات (بنات اخواني وخواتي ) الله يحفظهم اللي عجبنا في المدرسه انهم مشديين عليهم في تعليم العربي والانجليزي والقرآن ومايخلونهم يطلعون لين يصللعون ذي من ثالث وطالع ,, وغير ذي عجبني ان في الكيجي يعلمونهم شلون ياكلون شلون يهتمون في نظافه عمرهم ويعلمونهم ,, الصرراحه اشياء وااايد ابي اقول عن ذي المدرسه لان صج اوكي واللي عجبني اكثر انهم مهتمين في العربي والدين ,, بس من مساؤئها انها صارت بعيده عن بيتنا يعني يبيلي ساعه لين اوصل لها لانا انا اللي اوديهم aa14aa14 ومافي باص لين دحيل بس تعب يكون في فاديه احسن من مدارس الخلط واللي مب مهتمين في الانجليزي,,

نور11
02-02-10, 08:15 PM
أخت miss meme , شكرا للمعلومات اللي أفدتينا فيها وفعلا سمعة أكاديمية الأرقم دائما ممتازه, بس حابه أسألك و يا ليت تفيديني,بالنسبه لمدرسات المواد اللي تدرس بالانجليزي اللي أعرفه انه أغلبهم هنديات وباكستانيات يعني مو بأمريكيات أو بريطانيات فكيف تشوفي اللكنه عندهم هل هي صحيحه ومفهومه؟؟يا ليت تفيديني لأنه الأرقم عاجبتني و حابه أدخل بنتي فيها السنه الجايه انشالله بس متخوفه من هالنقطه.

ام البنات الحلوين
02-02-10, 09:14 PM
ماقصرتي اختي على المعلومات


والاخت الي ساكنه بالخريطيات تقدرين فديتج تسجلين بنتج في الفتاة المسلمه هي بدحيل وقريبه منكم ومافيها اختلاط واتمنى حد يفيدج اكثر بالمدرسه


والله ييسر اموركم يارب وتحصلون مدارس عدله وتبرد قلوبكم


موفقين يااااارب

miss meme
02-02-10, 09:19 PM
أخت miss meme , شكرا للمعلومات اللي أفدتينا فيها وفعلا سمعة أكاديمية الأرقم دائما ممتازه, بس حابه أسألك و يا ليت تفيديني,بالنسبه لمدرسات المواد اللي تدرس بالانجليزي اللي أعرفه انه أغلبهم هنديات وباكستانيات يعني مو بأمريكيات أو بريطانيات فكيف تشوفي اللكنه عندهم هل هي صحيحه ومفهومه؟؟يا ليت تفيديني لأنه الأرقم عاجبتني و حابه أدخل بنتي فيها السنه الجايه انشالله بس متخوفه من هالنقطه.


لا فديتج هم صج هنديات وباكستانيات بس لكنتهم انجلزيه مب مثل اللي عندنا في الجامعه :21_133::21_133: وانا اللي استغربته من كم من يوم وانا راحيه اجيبهم اتقولي احد امهات البنات ان اللي يبونهم المدرسات بعضهم عندهم الماجستير

{queen}
02-02-10, 10:10 PM
وانا بعد ابي ادخل بنتي مدرسه مب خلط وتكون قريبه مني لاني فالخريطيات ومومعقوله بدفع 40الف وبطق خط لين الصناعيه حسبي الله عليهم اللي يقول الياهل بياخد دكتورا
والمدارس البقيه خلط وانا مااحب الخلط صراحه

يمكن بيدوهم الدكتوراه_هههههههههههههههه

{queen}
02-02-10, 10:12 PM
انا بعد ابي اغير مدرسة ولدي وبنتي بليز ساعدوني عن المدارس الممتازه الغير مختلطه وهل اكيد بيوافقون على الزياده

الله اعلم هايوافقون ولالا

{queen}
02-02-10, 10:16 PM
وي سوري قصدري اكاديميه الارقم خبرج رديت عليج اخر الليل وانا مسطله :21_133::21_133:
المهم بقول لكم عن اكاديمه دار الارقم شي بسيط ,,

اول شي ذي المدرسه مب خلط حق بنات من كيجي ون لين الثانويه العامه
والصراحه ذي المدرسه ماجفت مثلها فاول مافتحت كنا في المعموره ودخلنا بنت اخوي ولين احنا بيتنا في دحيل وتقريبا بنات العايله كلهم فيها تقريبا 9 بنات (بنات اخواني وخواتي ) الله يحفظهم اللي عجبنا في المدرسه انهم مشديين عليهم في تعليم العربي والانجليزي والقرآن ومايخلونهم يطلعون لين يصللعون ذي من ثالث وطالع ,, وغير ذي عجبني ان في الكيجي يعلمونهم شلون ياكلون شلون يهتمون في نظافه عمرهم ويعلمونهم ,, الصرراحه اشياء وااايد ابي اقول عن ذي المدرسه لان صج اوكي واللي عجبني اكثر انهم مهتمين في العربي والدين ,, بس من مساؤئها انها صارت بعيده عن بيتنا يعني يبيلي ساعه لين اوصل لها لانا انا اللي اوديهم aa14aa14 ومافي باص لين دحيل بس تعب يكون في فاديه احسن من مدارس الخلط واللي مب مهتمين في الانجليزي,,

ولايهمك حبيبتي وشكرا عالمعلومات ده وانا ان شاء هاروح ويارب الاقي مكان

جنة خالد
02-02-10, 11:47 PM
انا بنتي في مدرسة خديجة بنت خويلد صف اول و مدرسات اجانب و تدريسهم اكاديمي و كلمة روعة شوية عليهم بنتي ماشاءالله عليها تكتب تقراء و تفهم من تيجي من المدرسة و راقيين و تعاملهم جيد جدا انا مادري انتوا ليش مكان الى اتفكرون ان بفلوس ايكون احسن ترا مبداء غلط في غلط مشكلتكم ان فاهمين اى شئ به فلوس احسن منطق خاطئ دور الاسرة الاول في دراسة الاولادو بعد المدرسة و المدرسة يعني ما اعتقد مدرسات الى في اكادميات فلاسفة و عباقرة مثلهم مثل اى مدرسة في مدارس العاديةاصحوا من النوم

الولف غلااااااااب
03-02-10, 12:04 AM
مرحبا الغالية جنة خالد: أنا ماعندي فكرة عن مدرسة خديجة بنت خويلد اذا كانت مستقلة او شبه مستقلة بس لو كنتي درستي في مستقلة و شفتي اللي شفته ما راح ترضين تحطين بنتج فيها لان لخبطةالمناهج والأخطاء العجييييييييبة اللي كانت تمر علينا هذي بروحها قصة و المنهج شي مهم في العملية التعليمية لا يستهان به ، غير التجارب الثانية في الإدارة و الإشراف الاجتماعي إلا من رحم ربي من المدارس و هي نادرة الوجود مثل الفقع هالأيام خخخخخخخخخخ
ومن قال ان اللي بفلوس احسن بالعكس ( ابو بلاش كثر منه ) بس وين الحكومي العدل ووين المدرسات السنعين اللي درسونا قبل و اللي انلعب في حسبتهم الحين . صدقيني العملية التعليمية متلخبطة فوق تحت و ان شالله اوعدج من يصير اللي ببلاش سنع و عدل بننسى اللي بفلوس .
و سلامتك

ام البنات الحلوين
03-02-10, 12:07 AM
اختي مش الكل مع مبدا ان المدارس الاجنببيه افضل !! لكن بوقتنا الحالي ومع المدارس المستقله الفاااااشله والاكثر فاااشله بالغلط لو

حصلتي مدرسه مستقله عدله وتبرد الخاطر ُُُُ!!! وهاي الكلام مش من عندي من شكاوي الاهالي سواء بالاذاعه والجرايد ومن تجارب شخصيه بعد !!

ومااشوف الناس تشتكي من المدارس الخاصه كثر المستقله !!! كلن لها مساؤها وايجابيتها !!!!

يمكن المدرسه الي تتكلمين عنها بالصدفه طلعت عدله

ومن قال لج الناس تدور المدارس الي بفلوووس

الناس همهم يشوفون عيالهم يتعلمون احسن تعليم وباحسن المدارس ويدورون الافضل لهم

سواء بفلوووس والا ببلااااش


لان محد مجبور على المدارس الخاصه ولا حد مجبور يدفع فلووووس غصب عنه

كل واحد ينام على الجنب الي يريحه وكلن يدفع الي يقدر عليه

وبصراحه فرق كبير بين المدارس المستقله والمداس الخاصه وهاي من وجهة نظري


والله يوفق الجميع

جنة خالد
03-02-10, 12:46 AM
ابي اقولولكم هاى من وجهة نظريتكم انتوا المشكلة ان الناس تعودا عاى الخاص و الحكومي و مش قادرين يتقبلوا المستقلة انا كل الي قلتيلي عن المدارس المستقلة ما اشوفه في الخديجة صراحة امان و راحة نفسية و جو المدرسة حلو بعد على فكرة اعرف اكثر من اكادمية في الدوحة ان منهجهم تعبانة انتوا ايش اتقولون اعرف نا زعلانين ليش حطوا عيالهم في الاكادمية و اصلا هاى الاكادميات كل بيد الاجانب يعني ايش تتوقعون منهم انتوا قولولي و احكموا بنفسكم تخيلوا وحدة تدفع 20000 الف حق بنتها سنويا و لحدالحين تشتكي و اتقول ان في تمييز غير شكل و غير الاهمال و غير الفلوس الي كل اشوي يسحبون منهم بحجة الرحلات و الحفلات و اشياء ماله دائي و راوتني المنهج و شفته بعيني و ترا ما كان في فرق وايد مع منهج المدارس العاديةالمشكلة ان في ناس ما يبون يعترفون ان ايخافون من شئ اسمه بدون رسوم و في ناس اعرفهم حاطين عيالهم في الاكادمية و ما عندهم فلوس وايد بس علشان ايقلون ان احنا عيالنا في الاكادمية و ياريت عيالهم فاهمين و لا حد من عيلهم مساكين فاهمين شئ احسم محتارين لا عنده لغة العربية عدل كتابة و لا انجليزي عدل كلاميا و كتابةفكرة المدارس المستقلة موجودة من زمان في كل البلدان العالم المشكلة ان احنى عندنا اذا تلصقوا على شئ قديم خلاص ما يبونه يتغير مشكلتهم ما يبون التغيير و ما يبون اشوئ يتحركون و يتعبون و يتعلمون شئ جديد ما يبون يستفيدون ما يبون يتقدمون مثل باقي الناس مشكلتهم بالختصار خوف من شئ اسمه جديد عصري هاى المشكلة

ام البنات الحلوين
03-02-10, 01:08 AM
حبيبتي الناس الي يدخلون عيالهم مدارس خاصه او اكاديمه علشاااان البرستيج وغيره


ناااس فاضيه وماعندها سالفه همها المظااااهر وبس !!!!
وكلن يمد ريوله على قد لحاافه مافي داعي يذبحون عمرهم !!!!

والي يسوي هالحركه ناااس فيهم نقص ومتخرعه !!!


اختي الكل عارف مستوى المدارس المستقله

لا تقولين فكره جديده والناس مش راضيه تتقبلها

انتي طحتي على مدرسه زينه من حظج تراااا ماشاء الله

لكن شوفي بلاوي باقي المدراس من تجارب النااااس الشخصيه

هل الكل يتبلى عليهم !!! معقووله كلهم غلط !!!!
وبالنسبه للي يشتكون من المدارس الخاصه وضاغطين على عمرهم علشان البرستيج

خل يصحصحون من الانانيه الي فيهم ويفكرون بمستقبل عيالهم !!!

خل ينظرون لمستقبل عيالهم نظره واقعيه شووووي !!



وعلى فكره المدارس الاجنبيه الي همها الفلوووس والماده صارت معرووووفه ومكشوووفه !!!
لكن انا اشهد ان في مدارس خااااصه ممتازه وماعليها كلام ولا تتقارن بالمستقله حتى !!!

المفروووض الواحد يخص مش يعم على المدارس الخاصه !! على الاقل المناهج مرتبه وتناسب عمر الطفل مش المستقله الي وضعهم غلط في غلط

وقبلنا جربوها كم دوله خليجيه فكرة المدارس المستقله وقالوا انها فااااشله مليون بالالف !!!
الا الدوحه تبي تطلعها تجربه ناجحه رغم الشكاووووي !!

الولف غلااااااااب
03-02-10, 01:28 AM
شرايج لوكانت بنتج درس المطالعة اللي تاخذه في رابع تاخذه في خامس و القصة الانجليزية اللي تقراها في اعداي تقراها في ثانوي مش من باب الحرص أو تثبيت المعلومة لكن من باب الخطأ و النقص . شلون تعرفين إذا بنتج ما في مناهجها خطأ إذا كان المنهج حاطته مدرسة بدون تدقيق و تنقيح ؟؟؟؟؟ إلا إذا كان عندج خبرة في جميع المواد و مستعدة للتعديل وواثقة كل الثقة إن هالمدرسة لا تخطئ بعكس الفطرة اللي فطر عليها بنو آدم ؟؟.
مع العلم إن مناهج الوزارة كانت تمر بمرااااااااحل من التدقيق و التنقيح و مع ذلك يكون فيها أخطاء بسيطة مثل حرف زايد أو حرف ناقص ..
ومن اللي ضد التغيير و الإصلاح للأفضل ؟؟ بالعكس
ليش ماتكون هالمباني و الأجهزة المتطورة اللي كنا نتمناها لما كنا مدرسات في حكومي بالإضافة لمنهج سليم و مدرسة مناسبة للمرحلة و مديرة مرت بالتسلسل المرحلي اللي يكسبها الخبرة المناسبة للمرحلة . مع احترامي الشديد لرأيج في الأكاديميات و المدارس الخاصة اللي ماعندي خبرة فيها لكن المستقلـــــة ... اسمحي لو كانت مدرسة بنتج زينة بس الفكرة و بقية المدارس ما تستحق التشجيع والله يسهل لبنتج و بناتنا يارب

ام البنات الحلوين
03-02-10, 01:48 AM
صح كلامج اختي الولف غلاااب
علشان المدارس المستقله تنجح لازم يحطون خطه مدرووسه ويحطون مناهج تناسب سن الاطفال

والاهم انهم يحطون ناس مؤهله للتدريس يمتلكون القدره على التدريس بذمه وضمير

وماننسى دور المديره والاداره لازم يهتمون بكل صغيره وكبيره

ويحطون قوانين صرامه سواء للطلاب او المدرسات و لكل يلتزم بها !!! والي يخالفها ياخذ عقوبته !!! نبي نشووف العدل بالتعامل !!

نبي نشوووف تطور بالمدارس المستقله علشاان مستقبل عيالنا

ونتمنى يستفيدون من الاخطاء الي طاحوا فيها ومن السلبيات الي وجاهوها
احنا نتمنى نشووف التعليم يرجع مثل قبل

كلها مجرد أمناياااااااااات نتمنى حد يسمعها ويحققها

نبي ترجع مدراسنا الحكوميه ومناهجها المدرووسه صح والموحده aa14

والله يوفق عيالنا جميعاااااا

جنة خالد
03-02-10, 03:54 PM
على فكرة المنهج المدارس الحكومية ما كان قوي بالمرة و ايش معنا كل شئ يفشل في دول الخليج مو في باقي دول العالم ممكن اتقولونلي ليش هل مدارس الحكومية علمكم اشلون اتسيرون مثقفين ممكن اتقولونلي كم شخص من تخرجوا من المدارس الحكومية عنده هواية القراء للعلم دول العربية اقل دول حبهم للقراء و هاى شئ كان غلط من المدارس لا تقولون كلامي غلط لان كلامي صح مئة بالمئة ممكن اتقولي كم من الى تخرجوا من الحكومية عندهم ثقافة علمية و ادبية و غيرة انا اقول قلييل جدا مشكلتكم ماتبون تدخلون في تجارب احسن الناس فيهم خوف شوفوا يابان بشر مثلنا و لا تقولون ما اقارن لا اقارن ليش ما تفكرون مثلهم شعبهم ناس فاهمين ايحبون التجارب ايحبون التجديد و لازم له متى اتمون على منهج و طريق واحد لازم ايكون في هدف الى ما عنده هدف ما يقدر يوصل له اى شئ باقي بكمل بعدين ادري عورت راسكم بس احبكم

الولف غلااااااااب
03-02-10, 04:15 PM
يا جنة الغالية
احنا بعد نحبك و نؤمن بالتغيير لكن التغيير على أصول سليمة مب تخبط و خرابيط و إصرار على الخطأ حتى لو كانت نتائجة و عواقبة هم أطفالنا عمر الفوضوية و التذبذب ما كانوا تطور بالعكس .ع العموم المرة تبي مدرسة حق بنتها و احنا عورنا راسها .خخخخخخخخخخخخخ
الله يسهل لها و لنا ان شاء الله وفيه صفحات ثانية مهتمة بالموضوع نقدر نتناقش فيها .

{queen}
03-02-10, 07:04 PM
يا جنة الغالية
احنا بعد نحبك و نؤمن بالتغيير لكن التغيير على أصول سليمة مب تخبط و خرابيط و إصرار على الخطأ حتى لو كانت نتائجة و عواقبة هم أطفالنا عمر الفوضوية و التذبذب ما كانوا تطور بالعكس .ع العموم المرة تبي مدرسة حق بنتها و احنا عورنا راسها .خخخخخخخخخخخخخ
الله يسهل لها و لنا ان شاء الله وفيه صفحات ثانية مهتمة بالموضوع نقدر نتناقش فيها .

هههههههههههههه عادي حبيبتي البيت بيتكم قلت اسيبكم تتناقشوا في امور الحياة ولو حبيتوا اعملكم شاي او قهوة انا حاضرة ههههههههههههه
ولايفسد للود قضية ياجماعة

ام البنات الحلوين
03-02-10, 10:31 PM
على فكرة المنهج المدارس الحكومية ما كان قوي بالمرة و ايش معنا كل شئ يفشل في دول الخليج مو في باقي دول العالم ممكن اتقولونلي ليش هل مدارس الحكومية علمكم اشلون اتسيرون مثقفين ممكن اتقولونلي كم شخص من تخرجوا من المدارس الحكومية عنده هواية القراء للعلم دول العربية اقل دول حبهم للقراء و هاى شئ كان غلط من المدارس لا تقولون كلامي غلط لان كلامي صح مئة بالمئة ممكن اتقولي كم من الى تخرجوا من الحكومية عندهم ثقافة علمية و ادبية و غيرة انا اقول قلييل جدا مشكلتكم ماتبون تدخلون في تجارب احسن الناس فيهم خوف شوفوا يابان بشر مثلنا و لا تقولون ما اقارن لا اقارن ليش ما تفكرون مثلهم شعبهم ناس فاهمين ايحبون التجارب ايحبون التجديد و لازم له متى اتمون على منهج و طريق واحد لازم ايكون في هدف الى ما عنده هدف ما يقدر يوصل له اى شئ باقي بكمل بعدين ادري عورت راسكم بس احبكم


بالنسبه ان المناهج الحكوميه مش قويه كانت .....


المناهج الحكوميه الي على ايامنا مقارنة مع المناهج الحاليه ولا شي ولا في وجه مقارنه

بتقولين شالفرق كانت المناهج بجميع المدارس موحده ويكفي انها تناسب سن الاطفال غيير الحين يعلمونه ماشياء ماتناسب سنهم ابد

قبل كان في شي اسمه تحفيظ وتسميع للقصايد والقران الكريم

الحين نااادر وبالغلط تحصلين!!

وقبل كانت مادة الشريعه والعربيه اساااسا والحين كم يوم بس ياخذون هذي المواد

والله لو اقارن لج من اليوم لين باجر ماراح اخلص

كنا قبل نعمل حساب الابله ونخاف منها اذا ماحلينا واجب او مادرسنا للتطبيق

ولو هناك في تطوير متجدد بالمناهج بالعكس نرحب بالتجديد العقلاني والي يناسب كل مرحله مش اي كلام لازم تكون خطه مدرووسه لكل منهج
قبل غيرررر شوفي جيل الحين وجيل قبل فرق السما والارض
واختي لا تقارنين مدارسنا باليابان وين احنا ووهم وووين ههههههههههههه:21_133: نتمنى نوصل لهم

حنانقارن بالموجود عندنا وندور على الافضل لجل مستقبل عيالنا

وحطي ببالج مافي مدرسه خاليه من العيووب والمساوئ

لكن نحاول قدر المستطاع نسوووي الي علينا والباقي على رب العالمين

احنا نجتهد لمصلة عيالنا مش لمصلحة المظاهر والزبو والمهايط ههههههههههه:21_133:

وانا من ناحيتي اتمنى الخير للجميع مش معناته اني مدخله عيالي مدارس خاصه خلااااص !! لا والله تهمني المصلحه العامه للناس الي تصعب عليها هالمدارس سواء من نقص الماده او زيادة عددالاطفال عندهم

لان الي يده بالماي غير الي يده بالنار !!!

احنا نرتاح وغيرنا لاء !!!
وان شاء الله نشوووف المدارس المستقله بصوره افضل !!!

والله يوفق عيالنا وعيالكم يارب

وانا بعد احبج في الله يا جنة خالد بالعكس حلو نتناقش بشي يفيد المصلحه العامه وحلو انا نتبادل الخبرات



وشكرا ياكوين على الكوفي بس لو كنتي مزيده السكر شوووي ههههههههههه:21_133:

جنة خالد
04-02-10, 12:24 AM
يا حلوتي و يا ام الحلوات انا هاى الي ابي اوصله ليش ما انقارن نفسنا باليابانيين احنا ايش ناقصنا عنهم العقل الى اهم عندهم احنا بعد عندنا بقولج مثال هناك في بلادهم لو شخص ممكن ايكون عادي بس عنده خير يعني ميليونير بشنو ايفكر، ايفكر بان ايسوي شئ للناس و المجتمع الي اهو فيه ايحبون عمل الخير مع انهم مش مسلمين ايفكرون وايد في الاطفال لان الناس جزء من المجتمع بس احنا الي عنده فلوس ايفكر ايسوي شئ للمجتمع؟ و خصوصا الاطفال، تلقين حتى لو عنده اطفال حتى عيال ما يفكر فيهم لو كل واحد من هاى الاشخاص ايسوي شئ لبلده و ابناء بلده نقدر نوصل و انسير مثل يابانيين ما اقول مثلهم 100% بس على اقل انكون سوينا شئ الله عطاه الخير حق الناس ليش مو علشان هاى الاشياء الحين انا دايما اقول يارب جان زين اكون ميليارديرة اسوي شئ حق الاطفال لاني فعلا افكر في عيالي و عيالكم و عيال غيركم لان اطفالنا حاضرنا و مستقبلنا و مثل ما قلت و قلتي ما مدرسة و مافي اكادمية برفكت في زين و في خراب و اتمنى ايسوون شئ حق عيالنا لان هم احلى شئ في حياتناربنا يحميهم انشاءالله من كل سوء و في الاخر اقول على ينعم للكل الصحة و السلامة لان من غير الصحة ما نسوى شئ.

بنتي دلوعه
04-02-10, 02:39 AM
ياخواتي يعني ماتصير مباني جديده الا مستقله مايصير حكومي واللي ينتقد الحكومي ياجنه مب هي اللي كبرتنا وطلعت مهندسين ودكاتره ومدرسات وطلع منها والوزير والسفير ايش عيبها منهج ممكن يطورنه بس في ناس عليه تختار ودقق
والله ايامها الواحد مرتاح لتحسبين مستانسين الحين ندفع فلوس زايده على تعليم عيالنا لاوالله بس الواحد يبي الزين لهم ويوم كانت حكوميه ماشوف المدارس خاليه

اما المستقله لنقول تجربت غيرنا من الدول لكن اختب بالثانويه مامر عليها اللي شفناه بالثنويه يمكن درس ويمكن مامر من منهجهم اللي يفشل وبس فالحين اي وحده تجيب كافي ولا علك ولا بيبسي خ\وه وقطوه اما لو متمكيجه وسفور وشفاف عادي

كان اسمها التربيه والتعليم واللحين راحت التربيه وراح التعليم
مابي بكره بنتي تدعي علي ماعلمتها عدل لادين ولاديانه
وتقولين اليابان خل الناس يصلون بالاول عدل وبعدين يزكون ويتصدقون
ليه دوم قلبنا معورنا الدول الاجنيه احنا لو ننشغل في نفسنا شوي كان احنا بخير
سامحوني طولت عليكم

هلاقطر
04-02-10, 12:39 PM
انا مع اختي بنتي دلوعه ما في احلى من المناهج القديمة بس يطورون شوي الانجليزي و النشاط يكفي صدمتي ان بنت صديقتي قالت لهم المس (الابله)ان سيدنا لوط اصله يوناني

وهذا الكلام في مدرسة اجنبية

ام البنات الحلوين
05-02-10, 12:44 AM
اختي هلا قطر عاادي تتوقعين الاخطاء من مدرسه اجنبيه ممكن ليش لاء لان الغلط وااقع وكل مدرسه فيها عيووب طبعا محد خالي :8884:


لكن شتقولن اذا مستقله ومن مدرسه عربيه aa44

لاتعليق يليق صراحه اذا عربيه ومسلمه ماتعرف الدين :21_164:

للاسف الشديد
وصااااارت ترا وااااجد وامي موجهه وشافت البلاوي كلهاااا وتعقدت :21_133:

بنتي دلوعه
05-02-10, 01:33 AM
هاي مدرسه اجنبيه لكن العيب والمنكر يوم مدرسه مستقله درسهم عن الخمر ولحم الخنزير وهالمدرسه مب مسلمه وينهم وين التعليم

الله يفرجها الحين مافي مدرسه غير دار الارقم وكم تاخ\ فالسنه